بغسل وشي من بكير ....فرشي اسناني وانا صغير حتى احفضها لما اكبر
بمشط شعري بالفرشايه ... بضحك مني للمرايه بشوف الضحكه احلى اكثر
والله ياجماعه جاني إكتئاب من قناة
طيور الجنة 
ولدي الله يهدية حفظني كل الأناشيد اللي بالقناه مايخلينا نشوف شي بالتلفزيون غير هالقناه من نصبح لين نمسي ... ماير يابابا اسناني واوا ... او الفواكه حلوه كتير ... انشودة الأرنب يازينها
شو صار للأرنب لما ماسمع كلمة أمه
مااطول عليكم بس حبيت افشششششششش خلئي شوي عندكم
مشروووعي ياجماعه جديد وحلو ياليت تستفيدون منه
الملاعب المؤجره
انا براحه ماعندي تفاصيل المشروووع بالكامل ولكن راح اشرح لكم بصوره عامه
في كل مدينه فيه ملاعب واغلبها ترابيه صح؟
لاجيت عصريه من شارعنا ياجماعة اقول بنفسي يارب الرياض جايها غبار اليوم؟
واكتشف اخيرا ان فيه مباراه كرة قدم في الملعب الترابي اللي عند بيتنا ... انا احلف انهم يراكضون ورى الكوره ونصهم مايشوفونها من الغبره حتى واحد من اللي يلعبون معهم يقوولي احيانا من قوة الغبار لما اي فريق يدخل قوول (هدف) نخلي الحكم يحلف اللاعب اللي دخله على القرآن لأننا ماشفنا الكوره من الغبار
المهم ياطويلين العمر هالمشرووع اقامه احد الزملاء معاي بالعمل في مدينة الخرج
حيث قام هو شريكين معه بإستإجار 3 اراضي خارج حدود المدينه لمدة خمس سنوات قاله للتمديد وسورووها بشبك وزرعوها (بثيل) .... ياربي الحين فيه ناس ماتعرف الثيل ...يعني العشب الصغير الأخضر ....زي حق الملاعب... وركبو كبووووس (إضائه)
المهم وسوا مدرجات وبنوا دورات مياه وحطو حارس صعيدي
والتأجير
250 ريال للمباراه الواحده
يقوللي احيان ندخل 1000 ريال بيوم واحد لأنه بتكون فيه مباريات ورى بعض
عااااااد اغلب اهل الخرج يلعبون كووره ويسوون دواري على طول السنه
عاد هالمشروووع يصلح بالمدن اللي يكون فيها الشباب يحبون كرة القدم بشكل زايدد
انا بصراحه ماشفت زي اهل مكه ناس تحبون كرة القدم صبح ظهر عصر ليل يلعبون كوره
اللي بيسوي هالمشروع بمكه راح يكسب
عمموووما راس مال المشروع يختلف حسب قيمة ايجار الأرض
بس اتوقع 100 الف تكفي او حتى اقل يمكن 80 الف
