السلام عليكم
اخواني كتبت موضوع نفس هالموضوع لكن استجد بالموضوع اشياء
كما كتبت انا موظف جديد ولدي زميلي في المكتب ابن بلدي (سعودي)
اليوم جاء له قريب توظف معنا بنفس القسم المهم
اول ماجاء اخذه وجلس يعرفه ع الاقسام ويعلمه طريقة العمل
وانا لي كم يوم اجلس معه مايعلمني الا شي بسيط بالقطارة
المهم
طلعت من مكتبي ورجعت لقيت قريبة جالس ع نفس مكتبي وهو جالس ع مكتبه
جلست معهم عادي
وجلس يعلم قريبة طريقة العمل
اقسم بالله العظيم اني كنت بسوي مصيبة
والله العظيم يااخوان ماقصرت معه بشي
الي اجيبه لي اجيبه له
استحي اكل شي وهو جالس قدامي وماحسب حسابه
الرجال اليوم وضح لي اني غير مرغوب فيني
يقولي يمكن انت تصير مشرفنا بالمستقبل....عشاني بكالوريوس
قلت له مابي الاشراف ابي اتعلم بس
انا في حيرة من امري وانا ماسك اعصابي
والله يااخواني اني من زود الفضاوة بالمكتب اجيب معي كتب اقرا
واذا جاء اي مريض ولا مريضة يدخل بالموضوع مسوي مدير
وطول الوقت وهو برا بالسيب
وانا جالس....
مايجي الا وقت مايشوف احد دخل المكتب بس عشان ماتناقش معه
واذا جت مريضة لازم يعطيها كرته الي فيه الرقم
اخواني بارك الله فيكم ارشدوني
والله خايف اسوي مصيبة معه واندم عليها.