بسم الله الرحمن الرحيم
في البداية حبيت انزل ماحصل معي بالمقابلة بالموقع وليس بالقروب عشان الدفعات الي بعدنا تستفيد , وياليت البقية يتفاعلون بالموقع عشان اخوانهم .
في البداية دخلت على الاستقبال وسجل اسمي ورقم الهوية وبعدها اخذنا الموظف في قاعة ووزع علينا اوراق تكتب بياناتك الشخصية فيها واسباب التقديم على الهيئة وبعد ما انتهينا قال اقلبوا الورقة واكتبوا عن موضوع صلة الرحم في حدود 5 اسطر واكتب اسمك ووقع , بعدها دخل الاوراق على اللجنة ودخل كل شخص حسب اولوية الحضور .
بالنسبة لي دخلت على اللجنة وعطيتهم الوثيقة والهوية وسألوني : عرف بنفسك ، ماهي اركان الجريمة مع المثال على الركن المادي ، و سؤال عن التكييف القانوني للجريمة المستحيلة ( شخص اذاب سكر في كاس ضنن منه على انه سم ) ، موقع البحر الابيض المتوسط ، كم عدد المناطق الادارية للمملكة ، باقي الاسئلة شخصية .
بعدها دخلنا على رئيس الهيئة وشكله كان مشغول ما اخذ من وقتنا سوى 3 دقائق .
في النهاية احب اقولكم لاحد يرتبك ترا الامور ابسط مما تتخيل واهم شي انك تاخذ نفس عميق قبل لاتدخل وامش بثقة وخطوات موزونه ورأسك مرفوع للأعلى وناظر في عيون الي يسألك وخل نظراتك تكون فيها نوع من الحدة والموقف الي يتطلب ابتسامة ابتسم .
اسأل الله ان يكتب لنا ولكم القبول
تحياتي ...