مرحبا بداية أنا كنت حابه استمر في الموضوع و انسق موضوع بعد ما نخلص لكن من الضغط اللي جاني بالإيميل قلت خليني ادخل على الأقل اعطيهم اخر مستجدات التجسير رجاء ما ابغى احد يتحطم الموضوع إلى الان بنشتغل عليه و طالما ان فيه استجابة هذا مؤشر ايجابي طبعاً أنا بتكلم عن تجسير جامعة المجمعة اما بالنسبة للجامعات الثانية ما تابعت معهم و اللي يحب يفيدنا يتفضل مشكور هنا عسى الله يفكنا من هالمجمعة عساهم للهم و الغم و الغلقة < معليش الاخلاق قافلة طبعاً بداية احب اوضح ان الموضوع كنا متابعين فيه أنا و الهدف واحد ( للأمانة هالأنسان اجتهد بالموضوع اكثر مني حتى ) تابعنا مع جهتين : - وزارة التعليم - جامعة المجمعة الوزارة كانت المتابعة معهم مستمرة بالذات من الهدف واحد كان يروح بنفسه للوزارة ربي يوفقه و انا مستلمتهم بخدمة تواصل و اتصالات رفعنا خطابات بعد ما رحنا للوزارة الهدف واحد رفع كذا خطاب في الوزارة الين رفعوا معاملة للجامعة اللي صار يا احباء ان الوزارة تعاونوا معنا شوي و ارسلوا معاملة تخصنا لجامعة المجمعة و للأسف جامعة المجمعة هم اللي جحدوا تعبنا معهم و ماوافقوا على إتاحة التجسير تبعنا , تخيلو ! و مو كذه وبس الجامعة شغالة تصريفات على سيناريو واحد تواصلت مع عمادة خدمة المجتمع و التعليم المستمر و طبعاً كالعادة وصلني الرد اللي سمعته مليون مره ( حنا متألمين على اللي صار معكم و بنحاول معكم , اكتفاء حاجة السوق , اول ما توافق الوزارة بنفتح , تحسين في التجسير ) طبعاً اللي مايعرف او اول مره يتواصل مع الجامعة بتمشي عليه لكن انا خبرة طبعاً تصريفاتهم غير مقنعة و غير منطقية بداية موضوع انهم متألمين على موضوعنا سألت جامعة المجمعة و كلمني إداري قال رفعنا خطاب من شوال خطاب واحد و شوفوا المدة و حنا ليومكم نحاول و هم عارفين عنا لو حريصين كان عرفوا يجيبوا رد الوزارة من يوم لكن نصابين اكتفاء حاجة السوق عفواً لكن إذا السوق مكتفي من تخصصاتنا ليه تخصص تاريخ , مكتبات , جغرافيا , لغة عربية ... للحين متاحة مع ان الخريجين بالملايين منها و ثلاث ارباعهم عاطلين ؟ اما بالنسبة لتصريفة اول ما توافق الوزارة يرموا بلاهم على بعضهم ههههههه إذا الوزارة بكبرها رفعت لكم معاملة بخصوصنا ... خير يا طير ؟ يعني باقي والله نرسل لكم الوزير يجي يبوس يد عميدكم و كلامي مو دفاع عن الوزارة لأن حتى الوزارة مليانه اهمال و مصاخة و تخلف و وزير فاضي يتميلح للكاميرا ما همه مصلحة احد إلا عياله اما بالنسبة للتصريفة الثالثة و الاخيرة , تحسين في التجسير احب اقول لهم و لكم حتى تتوضح الصورة للي بيصدقهم هذا ان دل دل ان دراستهم و مخرجاتهم رديئة طيب لنفترض كلامهم صحيح , تجسير هندسة تقنية المعلومات اللي فاتحينه الحين ايش وضعه ؟ ولا هذا متحسن و خالص طبعاً محسوبتكم ما سكتت و كتبت كل هالكلام لهم و وضحت لهم اننا موافقين ع الرسوم و موافقين نجيب مقاعد من عندنا و حتى المبنى بنجيب لهم < ترا كتبت كذه والله ههههههه طبعا الرد كان نفس التصريفة المعتادة ( احيان اقول اللي بيرد علي انسان ولا رد آلي : / ؟ ) المهم صورت لهم رد الوزارة و ارسلت لهم و طبعاً هنا مالهم حجة ابداً تعرفوا ايش سوو ؟ سحبوا علي اي نعم يا اخوان سحبوا علي * تمسح دموعها * و مارح اوقف هنا الحين بنتقل لمستوى اعلى وهو الهاتف ههههه هم اللي حدوني اكون نشبة طبعاً انا مثل ما اقول لكم دايم إذا اللي بيشتغلوا ع الموضوع عدد قليل لو نجلس دهر ما بنشم ريحة التجسير يد وحده ما تصفق انا و الهدف واحد بصراحة حاولنا و الهدف واحد ما قصر نهائياً قام في الموضوع على اكمل وجه فما بالكم لو الكل تساعد و ضغط ع الوزارة و الجامعة و لعن خيرهم ؟ حالياً بنرسل قائمة كاملة بالأسماء للوزارة و بيسلمها الهدف واحد و بننتظر الرد و رح اوافيكم بكل شي يصير لكن اتمنى من كل شخص انه يتعاون معنا و هالله هالله بالعين الحمراء ترا مايمشوا إلا بالطريقة هذي ... خبرة و نعرف لهم دعواتي لنا و لكم بـ فرصة نفرح فيها كلنا ان شاء الله الموضوع الجاي نبارك فيه لبعضنا بالتجسير الجديد إلى اللقاء