اليوم كان اللقاء التعريفي

كان جداا رائع .. أي وحده تبي تقدم على رياده لا تفوت عليها اللقاء مهم جدا

كان فيه عرض على الشاشه تعريف برياده
وبعده اكملت اللقاء مديرة الفرع
انسانه جدااا رائعه وراقيه ربي يوفقها ويسعدها
تجاوب على الاستفسارات وتوضح كل شي

من النقاط الي ذكرتها

* الخبره أو المؤهل العلمي بنفس مجال مشروعك
مشروطه في المجالات المهنيه ( مطعم - مشغل - تجميل - تنسيق كوش وحفلات )

المشاريع التجاريه والخدميه
اهم شي الالمام بالمشروع
ولو في مؤهل او خبره يكون افضل بالتأكيد

* السداد يكون بعد 18 شهر من الموافقه على دعمك .. فلابد من السعي والانتهاء من كافة الاجراءات

* دعم الرياديه من الموارد البشريه لها بصرف 3000 ريال لها شهريا ودعمها في رواتب موظفاتها السعوديات لمدة سنتين .. واذا اخلت ببعض الشروط واهمها ادارة منشأتها بشكل يومي وحظورها سيتم الغاء الدعم

* بعد اجتياز المقابله .. لابد من حضور دورة مع مستشارين لعمل دراسة جدوى كامله للمشروع مدتها 3 أسابيع ودفع رسومها 1000 ريال والغياب ممنوع وان غابت فسوف تستبعد فورا

* المشروع لابد أن يكون نسائي من اداره وعاملات وموظفات
لو تم توظيف رجل ولو كان يقربلك فسوف يتم الغاء الدعم
ومافي مشكله لو كان المشروع يخدم كلا الجنسين

* تتكفل رياده بدفع ايجار لمده 6 أشهر حسب الدراسه

* لابد من وجود كفيل غارم ( يكون موظف حكومي و ... ) شروطه مذكوره في بنك التسليف


في سؤال حلو طرحته علينا بداية اللقاء
قالت هل انتم بالفعل رياديات؟ كل وحده تشوف في نفسها انها رياديه؟

ذا السؤال يعني هل انت مستعده للمخاطره والخوض في تجربه مليئه بالعقبات والاجراءات و...


آخر شي استلموا منا المستندات وطابقوها

والحمد لله كثيرا والصلاة والسلام على رسول الله