المشاركة الأصلية كتبت بواسطة asdfghjk

سلام عليكم

اخوي بالنسبة لموضوع انك تجيب عامل عادي وتدربه شيل الفكره هذي من راسك نهائي ( لان الموضوع يعتمد على الفترة الي يبييتعلم العامل فيها وهل العامل راح يتقبل الشغل ممكن مايرتاح نفسيا )) هذي وجهة نظري الشخصية وفيه مهن صعبه وفيه مهن سهله والكلادينج بيطلعون على سقالات يعني مو سهله

بالنسبه لاتفاقك مع العمال // فيه ثلاث طرق 1- شغل بالراتب 2- بالمتر 3- يوميات

اذا انت اخترت انك تشغلهم بالراتب تعطيهم رواتبهم أول بأول سواء فيه شغل او مافيه شغل ويكون السكن عليك والاقامة عليك والاكل وقت الشغل عليك
طبعا لا تشيل هم السكن لان سكن العمال تحصل لهم بمجمعاتهم من 100 الى 200 ريال والاقامة انا شرحتها لك كم تكلف

اذا اتفقت الشغل بالمتر اذا جى شغل تاخذ الي انت متفق عليه مع العامل مثلا لك 50 ريال خلاص تضربها بعدد الامتار

وفيه باليوميات يكون انك اذا حصلت شغل تجيب العمال باليوميات تحاسبهم كل يوم بيومه وتقريبا يوميات العمال المهني يعني المعلم من 150 الى 200 ريال تقريبا تزيد او تنقص العامل العادي يوميته تقريبا من 100 الى 150 باليوم الواحد

طبعا الاوفر لك والاربح 1 - شغل الراتب 2- اليوميات 3 - المتر

طبعا عشان الربح يكون كويس لازم يكون الشغل موجود يعني مو تشتغل 10 ايام وتوقف شهرين كذا تكون لو شغالين العمال معاك بالراتب خسران لانك دفعت رواتب 3 شهور وما اشتغلت الى 10 ايام

بالنسبة للعماله لا تسمع كلام الناس انك ماتلقى عامل يرضى بالراتب مو صحيح الكلام هذا اصلا لعلمك فيه عماله معلمين وممتازين
مايرضى يشتغل بالمتر او حتى بالنص يقول لك لا ابغى راتب ثابت فيه شغل مافيه شغل مالي دخل

طبعا انت اذا طلعت التاشيرات سواء الهند باكستان المغرب مصر الدولة الي انت تختارها
تتفق مع العامل من بدري تقول له الشغل بالراتب طبعا العماله الجدد اقصد اول مره يجي للسعودية اغلبهم يوافقون على الراتب ويخافون اصلا من الشغل بالمتر او يوميات لانه يقول يمكن مافي شغل ويتورط

بالنسبه للعمالة الي هنا وتبي تنقل كفالتهم الي يطلبون الشغل بالمتر لو عرضت عليه راتب عالي شوي يعني مثلا 3000 الاف راح يوافق

لكن فيه نقطة مهمه الي هي مين يجيب الشغل ( هذي هي سر النجاح )
يعني اذا انت جبت مثلا 4 عمال مبلطين او كلادينج عمال فنانين وممتازين ( لازم تجيب واحد خامس يجيب الشغل اهم شي يتكلم عربي
ويعرف المدينه الي انت شغال فيها وشوارعها
يلف على العماير ويمسك الشغل وينسق ويودي العمال الصباح ويجيب لهم الاكل ) وممكن تكون انت الي تسوي المهام هذي او تجيب
واحد لسانه حلو ويلف على العماير الجديده ويتفاوض ويمسك لك الشغل وتكون عند ولو خلفيه بسيطة عن الشغل الي يمسكه

انا موضوع الكلادينج معلوماتي فيه بسيطه بس اشوف ان موضوع التصاميم يلعب دور مهم فيه يعني لو لقيت واحد يفهم شوي بالتصاميم ويدير العمال يكون حلو