ابحث في الانترنت عن افكار واشتري الاساسيات وابني لك شئ من لاشئ

مثلا ابحث عن احد يسافر بشكل دوري الى دبي ويجيب بضايع واعطيه المبلغ والربح بنسب تتفقون عليها ...

او مثلا حاول تنشئ مشروع وتبني على اساسه دراسة جدوى وبعد كذا ممكن تسويه بنفسك أو ممكن تعرض فكرتك للبيع ولكن نصيحه دائما استشير مستشار قانوني او محامي بهذه المواضيع حتى تحفظ حقوقك من السرقات الفكريه حتى لو اضطريت انك تدفع مقابل مادي للمستشار القانوني ...


بإمكانك انك تحمل كتاب الفوركس وتتعلم الاساسيات وبعدها تبحث عن شركه موثوقه يكون موقعها في نفس المنطقه اللي انت فيها واستفسر عن مصداقيتها وهنا بالذات في هذا المجال بإمكانك تبدأ بمبالغ ابسط بكثير من المبلغ اللي انت رسمته لخطتك ...

لكن في بعض النقاط عن سوق العملات بالذات واللي اخذو اكثر الناس عنه فكره سيئه بسبب قلة الوعي والادراك في المجال :

- الشركات اللي تروج في الاشتراك في سوق العملات والفوركس هي مجرد شركات ربحيه ليست نصابه كما يظن البعض ، المبدأ عندهم هو ان الشركه لها عموله والوسيط له عموله بمجرد دفعك للمبلغ يأخذون عمولتهم وانت تدخل للسوق ووقتها خبرتك وتعليمك هم اللي يحددون مصيرك في سوق العملات.

- مهم جدا اننا نفهم الوضع ، لان سوق العملات سوق عالمي واضح الملامح ومتقلب الاسعار حسب الظروف الاقتصاديه والسياسيه للدول ومهم جدا نقرأ في المجال قبل ان نبحر فيه لانه مجال جدا عميق.

- راح ينصحونك بعدم المخاطره وهذا لصالحك طبعا حتى لو كان ربحك على اقل التقديرات 200 دولار في الشهر ، بدون خسائر ومخاطره انت الربحان بالتاكيد لانك تتعلم وماتخاطر ، بغض النظر عن وجهة نظري الخاصه ولكن هذا وضع الأمان.

- مع الثقافه الماليه وقدرتك على قراءة الرسوم البيانيه واوضاع الاقتصاد والسياسه في الدول ( وهذا شي بسيط في كل الاخبار موجود ) بكذا انت تقلل المخاطره حتى لو كانت مرتفعه بسبب انك تحمي نفسك بمعلوماتك اللي تسندك حتى لو انعكس عليك السوق.

- معنى ان ينعكس عليك السوق انك تخسر وغيرك يربح ، لان في سوق العملات بإمكانك الربح من خسارة العمله ومن ربحها ، يعني تستفيد من ارتفاع الاسعار ومن هبوطها ، عشان كذا لازم تثقف نفسك قبل ما تبدأ بالاستثمار.


المعذره على الاطاله لكن كان لازم اسرد بعض المعلومات لان نصيحة الاستثمار في سوق العملات وحدها تمثل لدى البعض كارثه.


برضو فيه افكار كثيره ممكن تستثمر فيها وافضل شئ ممكن تستثمر فيه هو انك تستثمر في نفسك وتنمي قدراتك وراح تشوف الحياه بنظره أبعد من جميع الجوانب.


بالتوفيق,
اخوك محمد