اقتباس:
المشاركة الأصلية كتبت بواسطة عاشت أمي
السلام عليكم
لدي حسابين في تويتر و إنستقرام
المجال : خدمات مكتية عن بعد
الأعمال بالتفصيل :
تصميم عروض بوربوينت،تنسيق عام،كتابة سيرة ذاتية،كتابة الدورات التدريبية،واجبات جامعية مدرسية،تنسيق خطابات رسمية شغل حسب الطلب
و الخدمة مقدمة لجميع مناطق المملكة |
هذا كان ردي لاحدى الاخوات في موضوع خاص بها يتعلق بنفس مشروعك اختي
اقتراحات بسيطة : اتوقع مبدئيا ان شريحتك هم الطلبة والمعلمين والمعلمات ..
اول شي جيبي دفتر وقلم وسجلي الطلبة واكتبي اغلب الاماكن الي تتوقعين انهم يتواجدون فيها ...مثل الجامعات الاماكن الي تهتم بامور الجامعات وامور الطلبة وغيرها اكتبي اكبر لسته ممكنة ..بعد كذا روحي تويتر وفي البحث اكتبي على كل مكان كتبتيه وابحثي عن الحسابات الكبيرة او المتوسطة وضيفيهم عندك وضيفي الاشخاص الي قاموا بمتابعة هالحسابات الكبيرة لانهم من المتوقع يكونوا طلبه ..ابحثي ايضا على القوائم الخاص واشتركي فيها لانها راح تفيدك كثير في تسويقك ..
التكتيك الثاني اكتبي في البحث في تويتر اي خدمة من الخدمات الي تقدمينها وراح تطلعلك نتائج بحث لاشخاص يرغبون بهذي الخدمات او يقدمون هذي الخدمات شيكي على كل ماهو معروض ممكن تضيفي الي يرغب في هذي البحوث وممكن تستفسري عند الي يقدم هذي العروض للتعرف على اسعار السوق ...
وطبعا قبل لاتسوين اي شي من الي ذكرته تكوني مجزه حسابك بعينات مميزة من شغلك ويكون حسابك جاهز وواضح فيه خدماتك وطرق التواصل معك وطرق الطلب وطرق الدفع
وايضا اطلعي على هذا الموضوع وغيره من المواضيع الي كتبتها واقريهم وان شاء الله تلاقي نصائح تفيدك
وان شاء الله تتوفقي اختي في مشروعك