السلام عليكم ورحمة الله وبركاته
أسعد الله صباحكم وكل لحظة بحياتكم أحبابي في الله
ي شباب هذا مشروع لقيته في محافظة المزاحمية قبل فتره كنت مار
المشروع جميل جدا وهوا مطعم للأسر المنتجه
طاوله معروض فيها المعجنات
وسخانات للجريش والرز
ومرق خضار
ومرق دجاج
ومرق لحم غنم
ومرق لحم حاشي
وثلاجه فيها كيك
يقول البائع أن الشغل والمضارب يبدا من العصر على
الحلويات والمعجنات والمقليات
أما فترة الظهر فعندنا غدا كل عائله لها
سخان رز وسخان للدجاج
وأغلب العملاء الموظفين وطلاب الجامعه
وكل عائله مشاركة لها ملف ويتم محاسبتهم وتحويل المبالغ الماليه في حسابتهم المصرفيه
بعد اغلاق المحل في الليل.
البيع الحقيقي بعد العصر وعلى كل عائله ترسل طبخها قبل العصر يعني من الساعه 2
كل عائله ترسل صواني فطائر وبيتزا وسمبوسة وأنواع كثيره من الكيك
وموفرين خدمة توصيل من المحل حتى أن في سياره مخصصه لتوصيل الطلبات لمدينة الرياض
نسبة صاحب المحل 20%
ودخل اليومي من 9500 وكسور حتى 11000 ريال
وأحيان نمسك حفلات التخرج والاعراس
المهم المشروع جدا ممتاز مافيه خساره لصاحب المحل
إذا البضاعه ما مشت تجي صاحبتها وتاخذها
وبصراحه لو كل منطقه فيها محل نفس هذا المحل كل عائله بتبدا مشروعها ويصير لها دخل ثابت يغنيهم عن الناس
هذا موضوع سمبوسه راس مالها مقابل الفائده جدا مشجع وغير متوقع
وحتى ان اغلب اللي الردود يتسالون كيف نقنع اصحاب المحلات
يعني لو فيه محل تسابقو له
هذا الرابط
https://www.btalah.com/t654138.html
وهذي صور المحل
إللي له رغبه يشاركني يتواصل معي
شرط يكون جاد وصامل وغير متردد
علي ادارة المحل والاسر المنتجه وعليه راس المال
ولي بيفتح في منطقته يحط تجربته نستفيد منها
ونجاحه يسعدنا جميعا