الاخ لاتقنط من رحمته

اشوفك متحمس مابغيت اطلع وانت ماشي صح
بجاوب على اسئلتك ..

1- ذكرت انك حفظت الوسوم , في البرمجه لا تحفظ , فقط افهم , ووقت الحاجة لأي وسم او اي شئ برمجي , فقط ابحث عن مثال وطبقه وقت الحاجه في برنامجك بعدين انساه , البرمجه فهم وليست حفظ.

2- تسأل عن طريقه التطبيق , يجب أول شئ تسوي سيرفر فيرتشوال على جهازك عشان تقدر تشتغل وتطبق وتشوف نتيجه عملك. اذا بديت طبعاً بالبرمجه بـPHP, مش الان .ماهو السيرفر الفيرتشوال؟ هو سيرفر وهمي تركبه على جهازك وكأنه موقع على الانترنت , تضع فيه اكوادك وتشغله كأنك تشغل موقع الكتروني عشان تشوف شغلك تمام ولالا.

3- لغة الويب الي تتعلمها هذي مالها اي علاقه بلغات الجوال , انت لازم تحدد تبي تتعلم ويب (مواقع) أو تتعلم تطبيقات جوال , تطبيقات الجوال تختار اما ايفون او اندرويد وتنطلق , الويب لغات كثيره جداً ..

4- HTML هي لغه فقط لرسم الصفحة , بحيث ترسم الجداول والشكل العام للصفحة , مثلا الصفحة حقت المنتدى الي جالس تقرا فيها ردي الان , رتبت الردود كلها بشكل مربعات مرسومه بـHTML , لكن PHP هي لغة برمجه حقيقيه هي مثلاً الي تعرض لك عدد المشاركات لكل عضو وكل عضو ايش اسمه , وهي الي تاخذ اليوزر نيم والباسوورد وتشيك عليهم بقاعده البيانات ..الخ

الروبي لغة ثانيه تؤدي نفس الي تؤديه PHP يعني منافسه لها , مثلا google يستخدمون روبي , بينما فيسبوك وتويتر PHP , المنتدى الي نتكلم فيها كذلك , لو تشاهد اعلى الصفحة في الرابط مكتوب PHP , اما جافا سيكربت فالجميع يستخدمه وهي لغه مسانده مايحتاج تتعلمها الان اطلاقاً , لكن بالمستقبل تحتاجها و لا تفكر فيها الان