هزت شعوري معاني ذكرها زينـي
ورديت من شافت عيوني لك معانيها
راح الفكر يامخاوي الليل لسنينـي
اللي مضت من حياتي زاهدٍ فيهـا

ذكرتني اللي على بالـي وناسينـي
اللي معه نبضة احساسـي معنيهـا
بيني وبينه مسافـه وينـه ووينـي
عزاي ذكرى الموده مـع لياليهـا

مرساله الطيف لامنه لفـى عينـي
يطمن الروح في لحظـه ويشقيهـا
ليت السعاده رهينة راحـة يدينـي
واعطيك واعطي البشر باقي امانيها

************