اقتباس:
المشاركة الأصلية كتبت بواسطة ابن عقيل
عليكم السلام و رحمة الله و بركاته
يقول المثل : خلك على مجنونك لا يجيك الي اجن منه
انت في هاذي الشركة ع الأقل عارف شنهو لك و شنهو عليك
وما تدري ربما ما تقدر تكمل في الشركة الجديدة فتخسر الوظيفتين
بذات اذا مافيها ضمان وظيفي ع الأقل بنسبة 50% اما اذا كانت
الشركة قوية و لها دور كبير على مستوى المملكة يمكن لك آمل فيها
عصفور في اليد و لا عشرة في شجرة وانت و الي يريحك
والله يوفقك و يسهل امرك و ان شاء الله يصير عندك مشروع
و تتربح منه آمين يارب العالمين .
|
حياك أخوي ابن عقيل
آمين الله يسمع منك ويكتب لك وللجميع الرزق والتوفيق
من ناحية الأمان الوظيفي أغلب شركات القطاع الخاص بعد إقرار المادة 77 في نظام وزارة العمل
صار بامكانهم فصل الموظفين السعوديين حتى بدون أي سبب مشروع عكس النظام السابق
وشوف الأخبار الأيام هذي تتكلم عن فصل عدد كبير من الموظفين بعد هذا القرار
والشي الثاني مسألة تجريد الموظفين من مهامهم الوظيفية والغاء الحوافز وانك تكون فاضي ما عندك شغل
يخلي الادارة تلتفت لك على انك تتقاضى راتب مرتفع نسبيا وتفكر في فصلك والشي هذا حصل في شركات كثيرة وهذي تعتبر مؤشرات
قلقت في البداية من التحولات اللي حصلت في الشركة ولكني تطمنت بعد ما تم تكليفنا بمهام ثانية قد تكون بعيدة عن تخصص الموارد البشرية
والشي هذا يعني أنهم لا زالوا بحاجتنا لو مجرد عدد مسجل في نظام التأمينات يرفع نطاق الشركة لا أكثر للحصول على المميزات من وزارة العمل
وأهم ما علينا أن الراتب ينزل مثل ما هو وبدون خصميات
وشاكر لك اقتراحك وكلامك الطيب