المشاركة الأصلية كتبت بواسطة افتاندور

بيض الله وجهك ياللي فاتح هالموضوع
كنت اقرا انا حقت اعوام سابقه من عام 2008 و 2011
اضطريت افتح لي حساب عشان اشاركم بهالموضوع
وافيد واستفيد ،

انا طبعاً من المتقدمين في اخر تسجيل فتح لصواريخ
اللي انتهى تسجيله بتاريخ 9 /5 / 1437
والحمد لله بعد يومين او ثلاثه ارسلوا لي رساله بالقبول
وعطوني ارقام قالوا لي ادق عليها عشان انسق على موعد معهم

المهم دقيت عليهم يوم 19 / 5 / 1437
وحددوا لي موعد على تاريخ 29 / 5 / 1437
طبعاً كان يوافق يوم اربعاء

رحت للمقابله الشخصيه وكلها سهالات بالمره وموضفين محترمين جداً
عطوني اوراق حقت الشيخ والبصمات والاحوال وانا طبعاً من الجنوب
خميس مشيط تحديداً ، وعطوني رقم المندوب حقهم اللي على الكشف الطبي ، دقيت عليه وخذيت منه موعد يوم الاثنين ، تاريخ 5 / 6 / 1437

المهم انا رحت الجنوب وخلصت اوراقي كلها في يوم ورجعت لرياض
سويت كشف طبي وسلمت اوراقي كامه يوم الاثنين 5 / 6 / 1437

وتاريخ اليوم يوافق 20 / 6 / 1437
لي تقريباً 15 يوم ماحد دق علي ولا فيه اي خبر
معا العلم ان شهادتي كلية تقنية تخصص قوى كهربائية

اللي عنده اي خبر على راتب الوكيل رقيب في هالتخصص ياليت يفيدنا
او متى يتصلون علينا

اللي عنده اي معلومات ممكن تفيدنا او تفيد اي قارئ من داخل المنتدى او خارجه ياليت يكتبها ، وشكراً للجميع .