اخي العزيز الناس تهاجر لبلدنا يجي الشخص لا يملك فلس ويطلع من عندنا مليونير
الناس تدفع الوف عشان تشتغل عندنا تبيع البيت والمزرعة وتتسلف عشان تجي السعودية تشتغل
اذا بتتجر فا انت بالمكان الصحيح

اما سالفة الفساد فهو في كل مكان
اقل شي هنا انت امن على دينك وعرضك
لا فيه عنصرية تمارس عليك ولا غيرها

انت بس قل لا اله الا الله وتعوذ من بليس
والهجره لبلد غير مسلم لا تجوز وحرام تخسر دينك ودنياك

المهم انت كل الي محتاج له شوية ناس ايجابيين يرفعون معنوياتك ويلهمونك فكرة كويسه تشتغل عليها
وانصحك اخوى بالقراءة
اشتغل على نفسك
من كلماتك البسيطة اشعر ان تفكيرك لا زال خااااااااااااااااام
وكلماتك فيها اسقاطات كثيرة وشماعات اكثر

التعليم ببلاش ثقف نفسك
اقراء اقل شي 3 كتب بالاسبوع
تعلم مفردات جديدة كل يوم
ادخل دورات
زر المزادات الموجودة بمنطقتك
ادرس مهارة جديدة ( برمجة - نجارة - حدادة ........ اهم شي تكون تحبها )
اشتغل بعد الظهر دور شغلة ما تكون وظيفة لا تكون شغلة حرة زي الشباب الي يجيبو بضاعه من الميناء و يحملوها على ونيت ويبيعوها بالمفرق عند المساجد
خالط شباب رياديين
احضر الفعاليات الي تسويها الغرف التجارية والسفارات
سجل بالمنتديات الي تلاقي فيها اهتماماتك
حط لك خطة سنوية وخطة للخمس سنوات القادمة ( كم تبي يكون معك ، وين تبي تكون، وكيف )
واذا سويت كل هالاشياء وما تغيرت وجهة نظرك

ذيك الساعة انا شخصياً بقص لك تذكرة المغادة (: ومافي مانع تروح تجرب الغربة ثلاث شهور