السلام عليكم ورحمة الله وبركاته
تحيه طيبه لاعضاء وزوار هذا القسم الجميل
والله يكتب اجر كل شخص عرض فكره او مشروع او رأي واستفاد منه شخص ثاني
انا حياتي كلها مشاريع في مشاريع
بديت بتجارة الجملة ومريت بالعطور والبخور وفتحت حضانه وقسطت جوالات
وعندي افكار كثيره ما شافت النور
الحمدلله كلها من فضل ربي نجحت بس انا ما استمريت ولكل مشروع اسبابه
المهم اكثر شي عجبني وارتحت فيه تقسيط الجوالات لكن الطلبات كثيره ولأن شغلي غير مرخص ضاعت حقوقي عند بعض الناس
وتوقفت من القهر
المهم هذي المره قررت اشتغل بترخيص لكن باقسط مكيفات فقط
ياليت احد يفيدني بالاتي
اذا فتحت مؤسسه مرخصه هل انا مجبره على فتح محل عشان اضمن حقوقي من ناحية الاستقطاع من البنك وكذا
ولا يكفي السجل التجاري لعقد اتفاقيه مع البنك
الشئ الثاني اتمنى من اهل جده من يفيدني بخصوص جملة المكيفات
ابي يبحثلي عن افضل سعر بالذات لو كانت الكميه كبيره وافضل ماركه وله عمولته واللي يبي اهم شي يساعدني ويكون صادق معي

واذا عندكم اي ملاحظات او نصايح ياليت ما تبخلون علي اخواني واخواتي
شاكره ومقدره مروركم