السلام عليكم أولا متخرجه ليا 3 سنوات ونص تقريبا وما توظفت فيها أبدا وانا احب اطور نفسي كثير يعني ما انتظر تيجي الوظيفه كنت اخذ دورات كثير حتى دورات عن بعد عن طريق النت كنت اخذ وعندي حاسب كامبردج وتخصصي اقتصاد من ادارة واقتصاد المهم بحثت عن وظايف كثيرة بس المشكله أني من محافظه صغيره جدا تابعه لجدة ومافي وظايف ابدا المحافظة فيها بنكين الراجحي والأهلي ومن تخرجت وانا اقدم قدمت حتى بقسم الموارد البشريه وعند مدراء الفروع لكن مالنا نصيب فيها الحمد لله ، الحين فتحت الوظايف عن بعد وقلت الحمد لله فرجت بس للأسف مقدمه ليا فتره طويله قدمت بصله وموبايلي و شركات سيارات اللي عندهم كول سنتر عن بعد بس للأسف برضوه مالنا نصيب ، على اني ما احب الوظايف عن بعد لأني انسانه حركيه جدا وأحب ضغوطات العمل أنجز فيها أكثر وأحب أنتج احب جدا العمل وأكره الكسل لكن مضطرة لها شىء أحسن من لا شىء بالاضافة أني احب اطور نفسي كثير ما أحب اقعد خلال فتره جلوسي بالبيت أخذت دورات كثير يمكن عندي اكثر من 30 شهاده ، ادخل اليوتيوب اتابع دروس اقتصاديه واتابع عالم البنوك لاني احب هالمجالين هالمره قررت اطور نفسي واتجه للزمالات المهنية بالمحاسبه وبالتمويل الاسلامي لكن الفلووووس عائق حتى لما افكر اكمل ماجستير اهلي رافضين اتغرب حتى لو بجدة ، لقيت مره اعلان عن وظايف عن بعد وبعد ما تواصلت معاهم ردوا علي بنظام سَعوَدَة ورفضت لأني ما أبغى ضميري يأنبني صراحه اخذ فلوس وانا قاعده بالبيت غير كذا اشوفها تحايل وفساد احنا نحارب الفساد وبنفس الوقت نشارك فيه ليش وحتى بإلاعلان كانو كاتبين عن بعد فليش الكذب..
ياليت لو أحد يعرف عمل عن بعد يفيدني لان جدا محتاجه للوظيفه وشاكره لكم والله يرزق كل عاطل