المشاركة الأصلية كتبت بواسطة saud alshammari

بصراحه يااخت الاء انا زيك خريج ادب انجليزي بحثت عن الدبلومات ولقيت معهد الاداره بس معهد الاداره مافيه بموقعهم الا تخصص انظمه وتخصص رقابه ماليه يعني حنا خريجين الانجليزي مالنا الا تخصص اداره الاعمال او الموارد البشريه وميزه معهد الاداره الدبلوم العالي اذا اخذناه نصير على المرتبه الثامنه بس اتمنى يكثرون الدبلومات العاليه لانه خريجين المعهد تطلبهم الشركات ويركزون على الانجليزي وميزتهم يعطون 1500 للدبلومات العاليه و 1000 ريال لدبلومات الثانوي وعندهم سكن عاد مادري عن الطالبات لكن انا اشوفه فرصه والتخصص اختياره مهم ثاني شي عندك جامعه الملك عبد العزيز لمده سنه ونص وتاخذين الماجستير لكن مشكله الماجستير الاكاديمي بس ينفعك بالتدريس لان الشركات يطلبون الدبلوم على خريج البكالوريوس مايبون يدفعون اكثر لكن اذا شافوا معك انجليزي واداره اعمال او موارد بشريه راح ياخذونك اذا انتي ممتازه والمشكله الحين التوظيف الحكومي واقف بس الشركات اللي توظف انا زيك محتار لان هذا مستقبل ولازم اقرر وش الخطوه اللي راح ابني فيها مستقبلي اتمنى لك التوفيق والله يوفقك ان شاء الله استخيري وشاوري اللي عندهم خبرات انا كلامي لك كله عن طريق بحث بالنت مو مجرب وعن طريق المؤسسه العامه للتدريب التقني راح تلقين كل المعاهد المعترف فيها والتخصصات وهل هي مجانيه او لا حتى منطقتك تعرفين فيها كل المعاهد المعترف فيها