ألف مبروك كسبك للقضية تستاهل كل خير


أنا برضو كنت أعمل ببنك البلاد
من 18-2-2015 الى 31-1-2016
عن طريق شركات توظيف
يعني باقي على انتهاء عقدي وقتها 18 يوم ومشانا البنك ,, روحوا راجعوا الشركة كنت أنا السعودي الوحيد
ومعي تقريباً 3 سودانيين

السالفة كانت بموضوع الأرشفة الألكترونية
مجموعة كبيرة سعوديين وغير سعوديين منهم مصريين وسودانيين ويمنيين
بدأنا بهالمشروع وأنجزناة قبل موعدة بالأساس وكان الانجاز بتاريخ 30-8-2015 مع نزول الرواتب
وبتاريخ 31/8/2015
إجتمعوا فينا ومن بكرة لاأحد يداوم راجعوا شركتكم !
الكل ماداوم اعتباراً من 1/9/2015
يومين فقط ورجعوا 4 شباب غير سعوديين طلبهم البنك
وأنا والبقية راجعنا الشركة
وقالوا بعضكم خلاص مايبية البنك وخذوا راتب شهر ومع السلامة يمكن بحدود الـ 30 موظف
مع احتساب الرصيد للاجازات لهم وبالفعل بصموا ووقعوا اخلاء طرف وعطوهم راتب شهر مع رصيد اجازاتهم بعد شهر من توقيعهم

اما انا ومعي 8 تقريباً قالوا الشركة يبونكم البنك لمشروع ثاني بس متي ماأدري
المهم كلمت الى بالشركة تبعنا ( شركة التوظيف ) وش وضعي ؟ قال ارجع داوم اسمك مو من اللستة الى تمشي
رجعت للدوام وقابلت المدير ( الله لايذكرة بالخير )

قال أنتظروا إذا دقينا عليكم داوموا ؟!

المهم قبل 1/10/2015 جانا اتصال من الدوام ومن الشركة
ارجعوا داوموا 1-10-2015 أعتقد كان يصادف يوم خميس أخر يوم بالاسبوع بالدوامات
داومنا وترحيب حار ... الخ
المهم قال روحوا للفرع الرئيسي بالملز عشان توقعوا عقد جديد
سألنا أى عقد ؟ قال للمشروع الجديد
المهم رحنا وأنا والشباب رافضين نوقع لين نشوف العقد وش هو بالضبط
لأن عقدنا السابق مستمر وماأخذنا حقوقنا كرصيد اجازات وخلافة

الزبدة كلمت بنفسي حق الموارد البشرية بالبنك حتي ماتنازل يطلع يكلمنا ماغير بالهاتف مكالمة معه داخل المركز الرئيسي بالملز !!

قال خلاص ارجعوا لدوامكم مافي عقد تفاهمت مع مديركم هههههه

المهم داومنا ونزل للشباب كلهم راتب شهر 9 ( الا أنا و موظف مصري )
نشبت بحلوقهم بالدوام وبالشركة لين أنحلت هالمشكلة ووعدونا ينزل مع شهر 10 وبالفعل صبرنا ونزل مع شهر 10

المهم جاء 31/1/2016 ومشونا من الدوام
وعقدي أنا ينتهي 18/2/2016
والشباب الى معي عقودهم تنتهي 30/2/2016
والى بشهر 3 وأعتقد رابع ينتهي بشهر 4

رحنا للشركة الى توظفنا من خلالها بالبنك (( الوطنية لحلول الأعمال )) مكتب الموسى بجوار المملكة الدور ال5

بعد طحن وعجن وتأخير بارسال البنك مخالصتي أنا شخصياً
ووقف معي رجال كفو هناك يدعي عبدالله العمار (( ونعم الرجل ))
كلم الفرع بالملز وهزأهم قدامي وذكر لهم كلمة ( الرجال من شهر رايح جاي وأنتم للأن ماأرسلتم لنا انكم ماعاد تبون منة شىء )
عشان نعطية حقوقه وتراه يقول بيروح مكتب العمل ... الخ

من قال لهم مكتب العمل قال خلاص تعال بكرة
نزلت رايح للسيارة الا يناديني بالشارع أرجع جت المخالصة من البنك ( كلمة بيشتكيكم لمكتب العمل ) جابت نتيجة بربع ساعة فقط

المهم قالوا انت باقي من عقدك 18 يوم خذها من ظمن إجازتك السنوية عشان تكون مكمل معنا سنة كاملة
ومدفوعة الراتب ويبقي لك 12 يوم منها مدفوعة الراتب كذلك
بالاضافة لراتب نص شهر حق اكمالك للعقد

ووقعت عليها وأقتنعت لأن موضوعي طول معهم فوق الشهر عشان مخالصة مالية وانتهاء العقد رسمي

ونزل لي بحدود 7 الاف
الراتب كامل أساسي ... الخ بالعقد 4500 ريال
وينزل لي بحسابي كان وقتها 4086 ريال

وأنا الوحيد الى انحسب لي حقوقي كاجازة سنوية
لأني ماأخذت ولايوم اجازة مانعينا البنك لا أنا ولا غيري بحجة ضغط الشغل ويبون يخلصون بدري .. الخ
أنا من أخذ حقة ( بوجهه نظري حتى الأن )
أما البقية من الاخوة السودانيين كرهوهم بعيشتهم للأسف وقالوا مالكم اجازة
والبنك يقول أخذتوها بشهر 9 ( وقالوها لي ورفضت قلت أنا ماطلبتها هم الى جلسونا شهر 9 كامل ببيوتنا )
وقتها نراجع الدوام وماقالوا ذي اجازتكم .. ان دقينا ارجعوا داوموا

المهم مجبرين السودانيين وقعوا مخالصة وأخذوا حق التذكرة السنوية فقط بعقدهم وتوظفوا عندهم بمشروع أخر مؤقت

أما أنا رفضت العقد المؤقت بالبصمة للشرائح
أنتظرت لين نزلت حقوقي

سؤالي هل بالفعل أخذت حقي ؟
علماً بأنهم وقعوني على خطاب ان البنك مايبي يجدد معي التعاقد بتاريخ 16/2/2016 وبنفس الوقت بأني طلبت اجازة
تبداً من 1/2/2016 الى 17/2/2017 أو الى 16/2/2016
ووقعت علي هالامر

أشك بأن حقي باقي فية 18 يوم ماأخذتها
وهي مدة إنتهاء عقدي رسمياً
وكذلك انذار الشهرين ماعلموني اذا ماعاد يبون يجددون معي

يعني راتبين و 18 يوم راحت
ماأخذت إلا حق الاجازة السنوية راتب شهر
مع نص راتب انتهاء خدمة لسنة .