مشروع المطاعم بصفه عامه ناجحه لاكن انت مشكلتك من البدايه كم ميزانيه المشروع وكم عدد شركائه يعني من كلامك مافيه دراسه جدوى واضحه ومافيه خطه تنفيذ للمشروع ولافيه توثيق العقود بين الشركاء يعني انت اخطيت خطا كبير بمجازفتك للمشروع بدون اي تخطيط وترتيب وعلى كلامك دفعت اكثر من 50% من قيمه المشروع واصلا قيمه المشروع تجهله انت قبل ما نجهله حنا لاكن من كلامك توقعت مبلغ المشروع فوق 500الف وهذا يدل ان السوري خبط وقاعد يلعب بالفلوس


ومفروض يوم انك شريك لازم تدري عن المشروع بكل صغيره وكبيره وهذا شي مو مفروض الا شي من حقك

اي شريك يترتب عليه
كم راس المال وكم حصته من المشروع
توثيق العقود ومشكلتك ولا شي طبقته منهم عشان كذا انت في حفره عميقه

طبعا من وجه نظري ما احط اللوم على العماله كثر ما احط اللوم عليك وعلى صديقك مو معقوله ما سويتو توثيق للعقود

واعتقد ان السوري نزل بضاعه بالاجل ولهف الفلوس يعني فوق ما دفعتو راح تدفعونه والسبب فواتير بالاجل

وان شاء الله انها ما سواها


الحين الحل المبلغ الي عندك حاول انك تفتح مشروع يعوضك عن الي دفعته واما المبالغ الي دفعتها فهي قد طارت ما اتعقد انها بترجع

اما الان صلي واستخير واستشير وادعي ربك ولعلها خيره من الله سبحانه وهذا درس للجميع لاتوثق باي شخص مهما كان اخوك ولد عمك او سعودي او اجنبي المهم انك ما توثق باي باحد ولاترمي فلوسك في حضن غيرك كل شي عقود حتى 1000 ريال والدنيا دروس ... بنتظار القصه

الله يعينك ويفرجها عليك وفقك الله