أنا من دورة الشرقيه و مكه ما أعرف عنها شي
بس بال 45 يوم كل يوم جمعه يجيكم باكستاني راع مغسله يشيل ملابس الي يبي يغسل طبعا بفلوس بس نصيحه كثر الملابس معك أقل شي خذ 7 بدل رياضيه و درزن شرابات و هافات قطنيه و خذ معك صابون تايد 5 أو 6 حبات وغسل بنفسك لأن غسيلهم معفن يغسلها مع ملابس العالم و تجيك مروحه
الصابون يمديك تزبن فيه دخان ادعسه بالسياره وزبن
و نصيحه خذ معك قفل لأن الحراميه واجد بالدوره حتى الزنوبه و انت بكرامه يسرقونها
و الجوتي خذ طبي أفضل لك و كعبه طويل لأن بالحركات العسكرية تضربون الأرض بقوه و يورم الكعب و بعضهم تنكسر رجله
مرهم آلام وشد العضلات مهم جدا لأنك بتعاني أول 10 أيام تشددات عضليه
الميز حق مكه يمدحونه أخوياي الي اخذو الدوره هناك
إذا أنت جندي أول 100% بتاخذ الدورة بالشرقيه
أهم شي لا تدخل المركز الا وبجيبك أقل شي 1000 ريال لأنك بتحتاج فلوس هناك
زيارة الأقارب بعد ما تكمل 23 يوم بالمركز

و أي سؤال ثاني أنا جاهز