السلام عليكم ورحمة الله وبركاتة
اسئل الله سبحانة ان يوفقني واياكم لكل خير
انا عندي اسؤالين عن المسح الامني
الاول : كان فية موقف قبل سنة تقريباً كنت ماشي على الطريق ومستمتع بالاجواء الخلابة امطار وغيوم واجواء اوروبية ورحمة من رب العالمين منزلها على عبادة لكن جاء عسكري الله يهدية عكر جوي طبعاً سبب المشكلة هي ( قطع اشارة ) ومن المعروف ان بعض الطرق يوجد فيها اشارتان على طريق واحد الاول للمتجهين للامام والثاني مخصص للدوران للخلف طبعاً للمتجهين الى الامام كانت الاشارة حمراء والاشارة المخصصة للدوران للخلف كانت خضراء وانا مشيت للخلف والاشارة كانت خضراء وجاك العسكري مدرعم ووقفني وقالي انت قاطع الاشارة وحاولت اقنعة واستمرينا في النقاش الى ان حدثت مناوشات بيني وبينه واهمها قالي باستهتار انت نفسية مريض !!!! انا عصبت واعترف اني مخطئ قلت له هذا وانت جندي تهينني اجل وشلون لو كنت ضابط كان الحين ممسح فيني بالزفلت وقال مامليت عينك انا قلت البدلة هي الي ملت عين اما انت لا وكان العسكري جداً منفس رايح فيها شكلة ودة بيخلص دفتر المخالفات بأي طريقة ....... طالت القصة ههههههه
المهم العسكري قال عطني اثباتك في الاول رفضت وقالي مرة ثاني ثم رفضت والثالثة عاد انا قلت ابسلمها له والي يصير يصير سلمتها له وسئلتة قلت وش تبي فيها قال ابشيك اذا عليك بلاغ او لا طبعاً انا الحمدالله لاعلي بلاغ ولا علي اي شئ ....... هنا مربط الفرس الرجال اخذ الاثبات واخاف قدم علي بلاغ او اي شئ يتبلاني فيها وتأثر فيني في المسح الامني طبعاً لارحنا شرطة ولا مرور ولا اي شئ انتهت السالفة بيني وبينة بالطريق عطاني الاثبات وقالي صلاة امك وابوك اذا كنت تكذب ومشى وهو منرفز

السؤال الثاني : انا مقدم على وظيفة تتطلب مسح الامني والموظف عطاني ورقة نموذج المسح الامني واجبت على الاستفسارات المذكورة ماعدا فقرة من الفقرات مكتوب اذكر اسم المدرسة الابتدائية والمتوسطة والثانوية طبعاً اسماء المدرسة اعرفها لكن تواريخ التخرج ماني متأكد منها تقريباً التاريخ خطاء هل يردونها عشان التاريخ او يتغاضون عنها

اسف على اطالة الموضوع بس حبيت اسوي اكشن على الموضوع وابتعد عن المواضيع التقليدية

وجزاكم الله خير