الموضوع بسيط الحمدلله وسهالات

طبعاً انا مقدم مهندس الكترونيات رحت على الموعد الساعة 10 لقاعة الشؤون الاكاديمية
قالنا الموظف هناك روحوا مبنى الادارة عند HR ورحنا هناك

استقبلنا موظف ال HR نفسهم الي سوولنا الاختبار قبل اسبوعين وحضر الاسماء وبدأ ياخذ واحد او اثنين معاه يدخلهم على غرفة المقابلة الشخصية
طبعاً كانوا اربعة اشخاص وواحد منهم عسكري نقيب
وبدأ يسأل بالعربي كلمني عن نفسك وايش مؤهلاتك ويسأل عن اشياء في تخصصنا وعطاني ورقة بالانقليزي من كتاب وقالي اقرأها وقريتها وقالي وش فهمت منها وشرحتله ايش فهمت .
وقالي خلاص روح سوي اختبار لغة انجليزية واختبار حاسب آلي.

رجعنا لل HR واعطيتهم ورقة اختبارات ودخلني عن كمبيوتر وفك الموقع الالكتروني حقهم ودخلت الاختبار على الكمبيوتر
طبعاً ثلاث اقسام :
القسم الأول انجليزي : ثلاثين سؤال لازم تجاوب على 15 سؤال عشان تعدي الاختبار . وكان مررة سهل للي إنجليزية متوسطة.
القسم الثاني الحاسب الآلي : 20 سؤال لازم تجاوب على 10 اسئلة عشان تعدي الاختبار وكان جداً سهل وكان عن الادخال والاخراج في الحاسب واختصارات الكيبورد النسخ واللصق والقطع وعن النظام وعن حفظ بإسم واو حفظ والفرق بينهم
القسم الثالث : وورد واكسل ويعطيك الخطوات وتتطبقها على ملف وورد واكسل وتسوي جدول وتجمع والاشياء السهلة هذي ،، وتطبع الملف ويكون بكذا خلصت الاختبار .

طبعاً الوظائف على بند التشغيل الذاتي .. وبالتوفيق إن شاء الله اذا عندكم استفسارات انا موجود