كل شخص بياخذ نصيبه ، رزقك باذن الله بتاخذه
بس لازم تصبرون ، اول كنت مثلكم والله في قسم
قوات الامن الخاصة والله 24 ساعه على الصفحة
اشوف فيه جديد عند الشباب موعد الدورة متى بيجي
وين بتنعقد ، سجلت اول تقديم في شهر 12 / 1435
وتدرون متى دخلنا الدورة ؟ والله دخلناها في شهر 10 / 1436
تقريبا سنة كاملة ، وبعد فترة صارت لي مشكلة واستبعدت من الدوره
وما كان باقي لي تقريبا الا 3 شهور وتنتهي الدورة ونتخرج
لكن الحمدلله على كل حال ، هذا الكلام بالنسبه للي ينتظرون الدورات .
بالنسبة للي ينتظر فتح التسجيل اصبر ترى بتسجل وبتصبر شهور
على بال ما تجيك الدورة وباذن الله الكل مقبولين
وعلى حسب الكلام الشائع عند الجميع
ان قطاعات الداخلية بتتأخر في فتح التسجيل
الميزانية مالها أي شغل
ولو تلاحظون ان تقديمات وزارة الدفاع مفتوحه
القوات الخاصه حقت الجيش فتحت 4 مرات تقريبا
خلال كم شهر والسبب لان ما فيه متقدمين
باذن الله نهاية الشهر هذا راح تفتح التقديمات
في الداخليه ، الدفاع المدني والطواري والامن العام
وغيرهم ، الله يكتب للجميع اللي فيه خير