بيض الله وجهك يا عمر، ما قصرت مع الشباب في دورة 45 والآن ما نسيتنا كذلك في دورة 46.
لك كل الشكر، وعسى الله يوفقك ويسهل عليك.
عندي سؤالين لا هنت، والأول عن السباحة، هل المسبح في صالة مغلقة وهل تتوقع في الـ 45 يوم فيه سباحة أو بتكون بعد الـ 45 إن شاء الله؟
والسؤال الثاني هو عن التمارين في الـ 45 يوم، محاكيك لياقته تحت الصفر، واختبار اللياقة عديته بصعوبة وبغيت أتشهد عليهم، واللي شفع لي المعدل والتخصص والمقابلات كلها ممتازة، حتى اللياقة رغم تعبي الشديد فيها اللي بغيت أدخل الإسعاف بسبته، إلا أن الوقت اللي جبته جيد جدًا بحسب كلام المدرب.
عشان أستعد الآن قبل الدورة، حاولت أهرول وأركض وجاني ألم شديد في الركبة، ونصحني أحد الشباب أني ما أتحمس قبل الدورة وتجيني إصابة وأتورط، فيا ليت تتكلم عن الـ 45 يوم وتطمن اللي زيي، وهل فيه أمل ولا بروح فيها. 
آسف جدًا على الإطالة، والله يوفقك ويسعدك.