|
رد: مشروع لتوظيف 100 شاب أو متقاعد واعد أستثماري ضخم المشروع شراكه لهم وبعملهم
اقتباس:
المشاركة الأصلية كتبت بواسطة مستشار البلوي
يعطيك العافية اخوي عالجهود المبذولة هذا مشروعي ان شاء الله القادم وفية مكابس حصلتها حقت بلاستيك وكراتين سعره شوي غالي مو متاكد بالزبط كم
لاكن كيف اسوي عقد مع شركة اعادة تدوير وكم ياخذون مني الطن انت تقول ب750 وخوينا يقول ب250 لطن الكرتون وكم ملزوم بطن كل شهر اشترية واكبسة وابيعة للشركة ؟
|
هلا وغلا فيك
النصيحه لاتشتغل بالحالك لأنك راح تجمع نسب قليلة يعني أحسب حساب الوقت والبانزين والمجهود البدني
لو بتوظف عمالة خسران اكيد لأنهم بأساليبهم بيعرفون المواقع واول ما تروح عن الموقع الجوالات تشتغل وتجي ثاني يوم تحصل المكان شبة فاضي هالعمالة متخصصة ترسل من دولها لهالأسباب بعطيك مثال عشتة وشفته قدام عيني
انت طبعا تعتقد مقاهي المعسل للسعوديين خل اقولك للأسف لا
فيه عامل باكستاني وصل المملكة قبل عشرين سنه هذا كلامه لي واشتغل على نفسه يملك الآن أربع محطات بنزين والمقهى اللي هو ماسكة في نواحي اثمامة قاعد يأجره بالباطن لأن صاحب الأرض سعودي بنى المقهى واجره على سعودي ااسعودي تمام مثل محلات البقالات تاكي وياخذ المعلوم من الباكستاني وشلون عرفت ولا قالي كان المقهى يمر بمشاكل مع المستأجر العشرين ولا الثلاثين يوم يدفع حق العمال ويوم يأخره طبعا عرض المقهى للأسئجارهذا انت يا الباكستاني قلت بستأجر الموقع وهذ السالفة تصور ارباحه مو بس يالأجار من الباطن لا يورد المعسل والشيش يعني منشار توصل شهريا 100 ألف
وهذا يمشي على كلما يجي في بالك من البسطة الين العماير والأسواق
فاللي بقوله ربعن تعاونوا ما ذلوا
لما تسويلك مجموعة وتاسسون مؤسسة هنا تتعاقد مع شركة تدوير الورق والسعر بيرتفع لــ 750 ويمكن أكثر لأنك انت ترص الكراتين وتراهم ما ياخذون الورق العادي لابد كراتين ونظيفه
هنا لعبتك بحرفية
وادخل قوقل واكتب الشركة السعودية لتدوير الورق بيطلعلك معلومات عنهم من ضمنها معاناة شركات التدوير من الخسائر
الخلاصة حاول كتجربه والله ما يترك من سعى للرزق الحلال بس خل في بالك انك بتتعب وتكرف لكن ارباح خيالية بتجنيها اقول لو صبرت وتحملت
والله يوفقك وكل مواطن يدور الحلال
التعديل الأخير تم بواسطة خالد ين علي ; 25-11-2016 الساعة 07:14 AM
سبب آخر: الحروف
|