المشاركة الأصلية كتبت بواسطة خالد ين علي

اخوي المهدي

السلام عليكم
أولا الوطن بخيرعياله وهمتهم والنظرة المثبطه أنتهى زمانها الأخ ما يتابع الدعم الهائل من كل الجهات اعطيك مثال قريب
قبل يومن بالضبط فاز سعوديين شباب بالمركز الثاني تصور على منتج ايسكريم بالصاج وعلى الفضائيات الخبر مو من عندي
ادخل اليوتيوب واكتب عربات البيع كلهم مثل هالموجودين عيال بطنها
الصعوبة في تهبيط العزايم
والدخول في النوايا تراه مهو سهل

اخوي المواطن الحريص على ابناء الوطن
اولا ما قلت تعالوا عندي مشروع خل نشترك
انا عرضت افكار بأرقام لأبين مسار التفكير بالربح وأهيئ للراغب طريق سالك
انت قلت مهوب لهم مدري انت تعرفهم كلهم

طيب تدري ان توظيف العمالة الإدارية الوافده ارتفع في الشركات
تدري أن أغلب الشركات العائلية الكبرى اللي خيرها من جيوب
المواطنين تخلت عن السعودة او وقفتها
انت ابديت رايك واستعجلت
لا يالغالي البلد بخيرها وبعيالها وعلى قولتك
( الغالبية ان لم يكن جميع الاعضاء والمتابعين على قد حالهم ولا تناسبهم مثل هذه المشاريع )
كيف دخلت نواياهم وحكمت ان افكارهم ما تتناسب مع اي مشروع من الريال للمليار
هذا حكم عام بنظرة فرد

اخوي الله وفق بغير هالموقع اثنين من الزيرو او الصفر او البلاطه واستوردوا ولاخذت منهم ريال
مو بطولة لله بس لجل يحمسون غيرهم وغيرهم يقتدي فيهم أرجع واقول عيال بطنها

لمعلوماتك واعتقد انت ابخص مني في مجال الأستيراد أقل استيراد شبه ألزامي من 20 لـــ 30 طن
والفكرة استيراد مو بسطه او محل خضار ولعلمك اول ما تنزل الحاوية ويعرف المخلص البضاعة وجودتها فورا يجيبلك
شريطية طبعا سعوديين وهم اصلا عمالة عند وافدين يشترون يعني شي فيه رزقه وفكرة وطموح وانتاج
يعني شفت الحاويات اللي على طريق الشرقية في التريلات هذا هي
كل حاوية فيها اقل شي 20 الى 30 طن والسوق يطلب أكثر لأنها منتجات أستهلاكية
طبعا خبرتك كبيرة في هالمجال لأنك قلت الكمية كبييرة

ألا اقول انت شفت الأسعار قارنتها بالسوق واضح عندك فكرة كبيرة
طيب أتحداك تجيب اسعار اقل تحميل من المصدر مباشره قطفة أولى
توصيل للميناء مؤمن عليها
فهمت الفكرة تفتيح العقول على النهابة اللي تستورد بقليل و تبيع عشرة اضعاف
ادخل قوقل واكتب سيطرة العمالة على سوق التجزئة , الخضار , الفواكة, السكراب , الكراتين
والسوالف تطووووول لو نبي بس نسولف
عموما عيال بطنها فيهم الف خير والكل غني بربه قبل القرش والريال
وحكمك على الكل مردود عليك لسبب
اقل شي يمكن انهم 200 مشترك اذا انت تعرفهم كله شي طيب
وتعرف كم يصرفون وشكلك واثق ولا ما ارسلت الحكم على مواطنين بهالجرئة
ألا وعندك دليل ومثبت ان الكل هنا على قد حالهم
يبقى الوطن شامخ وتبقى امتي بخير وتبقى أفكارنا نور لعقولنا في ظل هل العوجا مدابيس الظلام
شكرا شكرا على التشجيع الراقي
والعادل بكلمة منك سجلت في ميزانك
أخيرا الكلمة الطيبة صدقة