مثل ماأفادتك الاخت اذا بتكمل دراستك سواء دبلوم عالي او ماستر لازم تختبر اختبار القدرات العامة للجامعيين

وبالنسبة للهذا الاختبار في محوسب وفي ورقي الورقي مرتين في السنة يحددوا مركز قياس اما المحوسب طوال السنة والنتيجة تطلع من 3أيام للعشرة ايام وتقريبا نفس الاسئلة تبع الورقي او على الحاسب حسب ماقراته في موقعهم وافضل تختبر هذا الاختبار من هذه السنة وحتى اذا ماقدمت في الدراسات العليا لان حضرتي باذن الله بيبدأ التسجيل في الدراسات العليا في جامعة الملك عبدالعزيز الشهر الجاي وكنت متحمسة ولما دخلت التخصص اللي اخترته طلع لازم اختبر اختبار القدرات للجامعيين ودحين ماعندي حل الا اختبر اختبار المحوسب عشان اقدر اقدم في الدراسات الشهر الجاي بإذن الله

واما بخصوص لازم الدرجة الفلانية نعم بعض التخصصات لازم تجيب درجة معينة وفوق او تقدير معين حسب تخصصك على سبيل المثال ادخل موقع جامعة الملك عبدالعزيز وروح اختار العمادات (عمادة الدراسات العليا ) ومن ثم شوف برامج الدراسات والتخصصات واختر تخصص واحد بالضغط عليه وشوف الشروط تبع نفس التخصص اذا في اختبار انكليزي وووووالخ

اما الدبلوم العالي على الاغلب مايكون في اختبار انكليزي وبعض التخصصات 20 درجة للخبرات والدورات اذا لديك شهادات و50 للمعدل بالنسبة للشهادة البكالوريوس و30 للاختبار قدرات الجامعيين طبعا هذه التوزيعات للتخصص اللي اخترته أنادبلوم عالي

الله يوفق الجميع

واما بخصوص ماهي متطلبات الابتعاث ادخل على موقع الجامعة اللي ببلدك او القريبة منك وشوف شروط الابتعاث من والى بالتوفيق