بالنسبه للمطاعم فهي مشاريع ناجحة والاميز منها اذا كانت مطاعم غير الكبسات المنتشرة عندنا بالسعوديه لان الان المطاعم الهنديه للامانه صارت ملفته للنظر لان طعمها شي شي خيالي وعندك مطاعم الصيف الهندي
فيه نقط مهمه فتح عينك عليها

اول حاجه اعملو دراسه جدوئ للمشروع من كل ناحية من اجار من مواد مستهلكة حق سنه قدام من ايدي عامله من كل شي بعدها قيمو الدراسه وكم تكلفه المشروع

طبعا معروف نظام الشراكة 50% سوا راس المال او الربح

واذا والله تبي يكمل المشروع ويصير ناجح اول سنه من دخل المحل لا احد يقربه لا انت ولا الشريك وخل كل شي بنظام الفواتير يصير تجي كل اسبوع تسوي جرد والمهم هو خلك قريب من مشروعك لا يحضنه غيرك

وثاني حاجه اوراق العقود بينكم مثل ما قال صاحبنا سوها بالغرفه التجاريه عشان كل واحد يعرف الي له والي عليه


اهم نقطه وافتح عينك عليها

اذا الله وفقكم واتفقتم وشفتو دراسه المشروع وان امكانيتكم الماليه قادره انكم تفتحون المشروع كل واحد يطلع مبلغه كاااش وكل شي بنظام الفواتير حتئ تعرف الي لك والي عليك في السنين الجايه

ليه قلت لك اهم شي كل واحد يطلع مبلغه كاش؟
لان يمكن يصير معك يدفع الربع وانت قد دفعت مبلغ وقدره ويجيك ويقولك انا خلاص ماعاد اقدر ادفع معك ويصير تنجبر ان تقبل المحل وانت خسران

الشراكه محتاجه ثقه وبنفس الوقت محتاجه انك تنتبه
الافضل انكم تثقون ببعض وكنكم اصحاب وتفتحون حساب مؤسسه وتدعون جميع اموال المشروع بالحساب يصير ما يطلع الريال الا وانتو تعرفون اتجاهه وين

المهم الله يسرلكم ويوجهكم بطريق الخير