اقبل يحرك خطوة الرجل برفوق# والقاع لمصافح خطاه يتشوق
مخلوق لاكنه ماهو بأي مخلوق# على بنات ادم وحواء تفوق
عليه لبس يجمع الوسع والضوق# موسع بعضه وبعضه مضوق
مر وتعدا مابداء منه منطوق #الا انه بجيش المفاتن مطوق
خلاني امشي واقضب الدرب واتوق# ماني بتايق عقل لاكن متوق
تقول مرمي على الارض من فوق# والا من السم السقطري مذوق
يغمى علي شوي وشوي افوق# واقول لاستيقضت والبال روق
مدام لامعوق ولاصايبه عوق# وراه يمشي مثل مشي المعوق
واللي على حاله خطر من هل السوق# مفروض يمنع لايروح يتسوق