شكرا حامل دبلوم علي تفاعلك ..
أعي هذا البند ولكن قرار نقهلم لي ليس لمدة ثلاثين يوم لكن نقل دائم يعني يصبح مقر عملي بالرياض .. ولم يتم ذكر اي استعداد من قبلهم بخصوص تكاليف النقل بل اكد لي انه بنفس الراتب وبدون زيادات..
كل هالتنويه صار عن طريق مكالمه هاتفيه وطلبت من الموظف انه يرسل لي ايميل رسمي يذكر فيه الخيارين بكل تفاصيلها مع حسبة التعويض ومكافأة نهاية الخدمه وما لي من مستحقات مثل ما تم توضيحه لي عن طريق المكالمه وقال لي اكيد طبعا والى الان ما شفت الايميل الرسمي
الخلاصه يبون يطيروني بس بطريقه أليفه خوفا من اني اشتكي والدليل انه للآن ما وصلني ايميل رسمي بما ذكر عن طريق المكالمه ولأن وضعهم لا يحتمل مشاكل مع السعوديين خاصة ان الفتره اللي راحت استقالوا 4 موظفين سعوديين من قسم الموارد البشريه واثنين سعوديين اخرين رافعين عليهم شكوى بمكتب العمل
انا في انتظار الايميل الرسمي حتى ارد عليهم برفض النقل
خبرتي العمليه ٧ سنين ولا عمري واجهت مشاكل لا مع الزملاء ولا الادارات مثل اللي واجهتها بهالشركه.. للأسف المادة 77 صار يتم استغلالها بطرق ملتويه !
الله المستعان .. الواحد صار يداوم بدون نفس وهذا متعب جدا بالنسبه لي مع انه المهام اللي اقوم فيها حلوه وممتعه لكن للاسف الاداره فيها كمية فساد وتخبط اثره سلبي جدا عالموظفين ..
تحياتي..