خريج ثانوي 1428 اخر دفعة اسئلة وزارة وكانت اصعب اسئلة والنسب زفت وجامعات ذاك الوقت كانت بالنسب مافيه تحضيري نسبتك تحت 85 او 80 مالك شئ.
خريج دبلوم 1430 معهد خاص,
توظفت من شركة لشركة ومن مذلة لمذلة , والمشكلة اللي يستقعد لك بالشركات سعوديين.
خويك كفو لكن اذا جته ترقية وصار مشرف عليك قلب عليك وجحدك..
صبرنا عليها
رحت العسكرية وبالفحص الطبي مذلة تطلع تمشي عريان مايسترك غير سروالك الداخلي وتروح وتجي بممرات المستشفى وكل من جاء يتفرج عليك ((( مذلة ))) واخرتها يجيك دكتور مصري يشوف فيك اي شئ يقولك امشي برا يرفع صوته كأنه الوظيفة كرم منه..
ماتدري هي مذلة انك عريان في الاسياب والممرات
او
مذلة تعبي لهم بولك بالعلبة ( الله يكرمكم ) وتمشي بها قدام خلق الله, والحمام بابه مفتوح والعسكري يناظر بك.
او
مذلة الدكتور يشوف خصوتك
او
مذلة المصري يوم يطردك
الآن لو رزقي عسكرية ماعاد ابيها مذلة لأبعد حد,,
لان اذا قدمت بعيد كل البروتوكل اللي صار تفصيخ وقلة حياء,, مانصح احد يروحها الا اذا ضامن انهم بيقبلونه 100% او يكون عادي عنده يشوفها ماهي مذلة الله يقويه.
8 سنين عطالة واللي يقول شركات لي خبرة ب 4 شركات لمدة اكثر من سنتين وفيه شركة وظفتني شهر 1 وطردوني والسبب اني كنت طالب وقتها واسمي مسجل بنص سعودي< كانوا يبون سعودي كامل عشان السعودة هههههههههههههههههههه كل الوصاخة بالشركات ما الوم الناس يومها تبي حكومي مدني.
وتوظفت بشركة لمدة 3 شهور متدرب براتب 2500 وخلصت ومدير القسم الاردني قيمني ممتاز ومديري المباشر هندي قيمني ممتاز, وكتبوا توصية اني اترسم, شؤون الموظفين السعودي قالي لا لازم 3 شهور ثانية وجلست 3 شهور ثاني مرة وجبت ممتاز بالتقييم وفوق كذا ماترسمت لان الراتب بيصير 5000 ,, وكله من السعودي لان كان بينه وبين خويي مشكلة وحط حرته فيني.
لايجي احد ويقول انتم ماتبون شركات انا متوظف بها ولافيها امان وظيفي تاخذ قرض والشركة تفصلك بمادة 77 وتصير بوجه المدفع مع البنك لا راتب وعليك قرض
ارامكو وعبداللطيف جميل وغيره فصلوا سعوديين بمادة 77 . اذا ارامكو فصلت مهندسين وامن واداريين كيف تبينا نحس بامان وظيفي
الحمدلله على كل حال .
سبحانك اللهم وبحمدك أشهد أن لا إله إلا أنت أستغفرك وأتوب إليك
سبحانك اللهم وبحمدك أشهد أن لا إله إلا أنت أستغفرك وأتوب إليك
سبحانك اللهم وبحمدك أشهد أن لا إله إلا أنت أستغفرك وأتوب إليك
سبحانك اللهم وبحمدك أشهد أن لا إله إلا أنت أستغفرك وأتوب إليك
سبحانك اللهم وبحمدك أشهد أن لا إله إلا أنت أستغفرك وأتوب إليك
سبحانك اللهم وبحمدك أشهد أن لا إله إلا أنت أستغفرك وأتوب إليك