وعليكم السلام ورحمة الله
راح افيدكم بحكم تجربتي بهالمجال
1- بالنسبه للاجار يعتبر مناسب ولكن كم مساحة المحل لان تحتاجين مساحة لطاولة عرض بالوسط ومساحه لحركة الزباين بالمحل تكون مناسبه وتحسبين مساحة الارفف والثلاجات.
2- لازم تحسبين حساب التسويق عن طريق السناب والانستجرام وتحسبين تكاليف التصوير الاحترافي للمنتجات لغرض التسويق والموظف وتختارين بعنايه الموظف او الموظفه الي بتدير المحل ويفضل تكون عن طريق معرفه.
3- الحسابات عشان لاتدخلين بمشاكل مع الاسر المنتجه لازم يكون عندك نظام مبيعات وكل شي يدخل ويطلع من المحل يسجل عن طريق نظام المبيعات والحساب والتصفيه اسبوعيا.
4- طريقة العقود بسيطه راح ارسلك نموذج.
5- العقود شهريه ماتقدرين تضمنين الاسر لمدة سنه.
6- اسعار الرفوف تتراوح مابين 300 الى 800 على حسب المنتجات ( ثلاجه او رف ) واقبال الزباين وتصريف البضاعه.
7- الحلويات المستورده امرها بسيط تاخذين من الموزعات بسعر الجمله.
الفكره والمشروع مو سهل ولازم تحطين بحسبانك ان الاكل له تاريخ صلاحيه واذا مانباع بتكون خساره عليك.
الفكره صارت مستهلكه لازم تتميزين بشي مختلف واحسبي حساب تكاليف الاعلانات عند المشاهير خصوصا عند الافتتاح.
اذا نويتي استخيري أولا وثانيا لازم تكونين متابعه العمل بنفسك ويكون بالك طويل جدا لانك راح تتعاملين مع عقليات منها الجيد ومنها السيء