الى الاخ " يا رب وفقني " اسال الله العلي ان يوفقك ويوفقنا وجميع المسلمين ، شكراً جزيلاً لك على نصيحتك اخوي
بـ النسبة لي انا مثلك خدمتي 5 سنوات والسعوديين اللي توظفوا قبل 5 سنوات وعلى نفس الوظيفة ما كان فيه ذيك الايام تعديل مهنة
العقود الجديده اللي من سنتين تقريبا او ثلاث سنين من ضمن متطلبات التوظيف " تغيير المهنة " في الهوية لكن انا ما غيرتها هذي نقطه والحمدلله عديناها ، النقطه الثانيه انا عبيت ورقة اخلاء الطرف قبل امس و ابلكيشن الاستقاله ، والحمدلله اخذت منهم صورة نسخه لي ، وفيها تواريخ وفيها تواقيع مدرائي المباشرين ، وارسلت الاصول للاداره بجدة يعني من هالناحيه ان شاء الله مافي خوف .
والشئ الثالث ، كان العشم والله وانا اخوك اني اضم الـ 5 سنين هذي كخدمة من اجل الترقيات ، لكن افادوني انه ما يحق لك تضيف الا السنوات اللي تلي آخر مؤهل علمي لك ، بمعنى انا ما راح استفيد الا من سنه و 8 أشهر فقط ، بس اعتقد والله العالم ان السنوات اللي قبلها تفيدني كتقاعد مبكر مستقبلاً على ما اعتقد .. المشكله انه شركتنا هذي ، تتأخر عشان تشيلك من التامينات ما اعرف وش السبب ، في ناس اعرفهم اخروهم من شهرين الى ثلاثه اشهر ، علماً انه مكتوب في ورقة اخلاء الطرف ، ان الاداره ستستغرق من 10 الى 15 يوم فقط لانهاء اجراءات الحقوق واوراق الخبره والتأمينات وهالامور ، وهالكلام مطابق لبنود مكتب العمل انه فترة اسبوعين فقط ، لكن من يلتزم بذلك ، انا اذا حسيت ان فيها لا سمح الله مضره لي وتأخير اقدر آخذ هالاوراق واخلصها بسرعه من الاداره الام في الخبر ، لكن ان شاء الله تتيسر بدون سفريات وهالامور ، اكرر شكري لك اخوي .