يا صاحبي وينك ابيك
في غيبتك .. محتاج انا بهمّي شريك
جرحي تحداني وكبر
ودّي تضمّده .. بيديك
ياصاحبي وينك ابيك
وينك وانا محتاج لك
في عاجلك وبآجلك
لا تخيّب الهقوات بك
الله يرحم والديك
ياصاحبي وينك ابيك
محتاج لوجودك معي
في فرحتي وبموجعي
تشكي معاناتك وانا
اشكي معاناتي اليك
يا صاحبي وينك ابيك
محتاج لعيونك وطن
حزني بمحاديبي سكن
ايووه وتاليها معاك
حيرتني واحترت فيك
ياصاحبي وينك ابيك
غنيت لك "اشكيك لمين"
ورددت "ليل العاشقين"
و"ما عاد بدري" وعقبها
عايش حياتك وش عليك
يا صاحبي وينك ابيك
في غيبتك شفت الهلاك
يامنيتي الله يهداك
ارجع ترى في غيبتك
ذابت عيوني تحتريك
يا صاحبي وينك ابيك
الليل من دون القمر
موحش وبه طال السهر
والليل همٍ هدني
من لهفة الخافق عليك
ويا صاحبي وينك أبيك