|
رد: المقبولين في ديوان المظالم آمل المشاركة في الموضوع
صباح الخير ، بالنسبة لسؤال الاخ احمدينهو والاخ باحث ، في شخص شفته علّق في موقع آخر انه الاتصال جرى للي متعينين في الدمام ، وبعض اللي متعينين بالرياض وان واحد من الشباب اللي بالرياض جاه الاتصال ، واعتقد اليوم يكملون الاتصالات باذن الله للي متعينين بالرياض .
وبالنسبة للأخ شايب : نظاماً وفي كل الوظائف الحكومية ، للموظف 15 يوم مهله للمباشرة ينهي فيها اجراءات سكنه مثلا اذا بينتقل او اجراءات انهاء واخلاء طرفه من وظيفته القديمه ان كان موظف حكومي سابق او موظف قطاع خاص ومتأكد من هذا الكلام ، لكن بعض ادارات الموارد البشريه تعطيك مهلة 10 ايام لفظاً وليس نظاما من باب استعجال انهاء اجراءات التوظيف لديهم ، فـ الشباب اول ما جاهم اتصال باشروا وهو الافضل ، وذلك ضماناً والضامن الله ، على ما سمعنا من قصص انهم يجيبون احتياط بحجة تاخر مباشرة الموظف المرشح لذلك انصحك ، تتصل على شؤون الموظفين اليوم وتاخذ الخبر اليقين كم راح تكون مهلتك المضمونة بعد الله . وبالنسبة لـ بطاقة الاحوال اذا شخص متزوج مثلاً جيب معك كرت العائله ، فهي تعتبر هوية رسميه ، وهات صورتين من باب الاحتياط لهويتك اللي قدمت بها وقت المطابقه اذا كانت مفقوده حالياً ، او هات الاصل اذا كانت لديك وكانت منتهية الصلاحية ، واللي اعرفه انه عادي يكملون اجراءاتك طبيعي بس توقع عندهم على تعهد احضار الهوية الاصل بعد انتهاء اجراءات الاحوال المدنية وصدور النسخة الجديدة ، هذا والله اعلم ، وان شاء الله الاخوان اللي بيداومون اليوم يسالون لك اكثر ، وانت بعد استفسر من شؤون الموظفين ، وبالتوفيق يا صديقي .
التعديل الأخير تم بواسطة ٌRa3ad ; 30-03-2017 الساعة 07:31 AM
|