طال الفراق وقصتي كلها احزان
والصبر ملّ وملت الروح صبري
والعين تذرف دمعها فوق الأوجان
والنار شبت في ضلوعي وصدري
الهم يطويني على طول الأزمان
والجرح ينزف دمِّ وآقول بدري
والوقت ما يرحم ولا يملك احسان
ما يرحم إلا الله .. أفوض له امري
اقضي طوال الليل مغرم وسهران
عذري طريح الحب ياشوق عذري
حبٍ حفظته في داخل الأعيان
بأقصى الضلوع وداخل الدم يجري
بيني وبينك حالو اليوم عدوان
وأنا وحيد ولأجلك ارخصت عمري
اجمل زهور الكون يا عود ريحان
شوفك ربيع العمر ويزيد قدري
حياتنا في ذا الزمن هم وأحزان
محدٍ درى عن علتي ليه يدري !!
ياليتني حاكم على عرش سلطان
ما كان ذا حظي وما كان قدري