المشاركة الأصلية كتبت بواسطة مخااوي االذيب

انا بأمن المنشات

راتب الجندي 7650
الجندي أول 7952

الدورة صعبة اذا بتاخذها بمركز الشرقيه اما مركز مكه ارحم بكثير من الشرقيه

الترقية ما فيه ترقيات من الجندي الي الجندي اول اقل شي 4 سنوات و من الجندي اول الى عريف اقل شي 6 سنوات !!!

التعيين بالشرقيه اجباري تخدم سنتين بدون رفع طلب نقل اذا اتممت السنتين تقدر ترفع نقل لأي منطقه تبيه لعلمك اذا تبي تنقل الغربيه اقل شي يبيلك 6 سنوات تتكي بالشرقيه !!

الى الأن في افراد الدوره ( 8 ) نصهم ما نقلو الغربيه لهم 6 سنوات بالشرقيه انتم دورتكم دورة ( 19 )
يعين بينكم و بين الدوره الثامنه اكثر من 11 دوره يعني يعني قبلك 11 دورة تخرجت و اغلبهم ما نقلو الزبده بتغني يليلي مطولك في الشرقيه ههههههه

القطاع زين لكن الادارة زفت في زفت

ميزات القطاع رواتب قويه راحه في الدوام و ما تحتك بالجمهور مثل الطوارى و الشرطه و المرور و امن الطرق

سيئات القطاع
الترقيات موقفه
النقل صعب
الادارة سيئه
قطاع ما يحترم افراده
ضباط لا عندهم لا شغله و لا مشغله غير مطارد ورا الفرد اذا شاف عليك ملاحظه صغيره صكك بتوقف الضباط باختصار منفسين بأم الافراد

باختصار قطاع لحجي ما فيه خوه
لكن مثل ما قلت لك رواتب زينه و دوام زين لاكن بتصير نفسيه بسبب الاداره السيئه و الضباط متكبرين

انا انصح اهل الشرقيه او الرياض يسجلون بامن المنشات
الرياض سهل النقل فيه يعني يبيله 3 سنوات و هو في الرياض


وسلامتك