السلام عليكم
اخواني انا بمشكله عويصه مدري وش أسوي
انا تخرجت الترم الأول من الجامعه يعني مالي الا 3 شهور وقالت لي اختي الكبيره هي معها ثانوي بس انه خلينا نروح طاقات ونقدم انا ماكان عندي فكره ان وظايفهم مب زينه حتى سمعتهم مادريت الا بعد مارحت قالت لي الموظفه بعض الخيارات وقالت في مقابلات ومراجعات ومكالمات ودورات قلت اوكي المهم ماحضرت الدوره يوم الاثنين ودقيت واعتذرت لان ابوي كان عنده مراجعه مستشفى وقبلت عذري المهم انا مدري اسحب عليهم نهائيا لان وظايفهم مب زينه بس خايفه انه لاجيت اقدم على المخصص المالي بعد مااكمل 6 شهور من التخرج ماينزل لي وودي اسجل بدوره حاسب ولاراح اخلص الا بذو الحجه فلو اطلب نأجل البحث عن عمل بسبب اني ابي اطور نفسي كل الوظايف يبون حاسب
الزبده مو عارفه هل يحق لي اطلب نأجل البحث الى شهر الحجه مثلا بحكم اني ارتبطت بدوره ؟
او لو مثلا سحبت عليهم ولاعاد راجعتهم يستبعدوني من المخصص المالي ؟.او هل يحق اني اطلب الغاء من التوظيف ؟
الله يفرج هم اللي يرد علي محتاره مررره وندمت اني رحت مع اختي وسمعت كلامها