السلام عليكم ورحمة الله وبركاته
اول شي حبيت اقول انه سعيده بانضمامي لأعضاء هذا المنتدى الراقي و اللي اتابعه من سنين
ثانيا الفكره مو غريبه تقريبا لاني لقيت شاب هنا منزل تقريبا نف الفكره الله يوفقه و يرزقه
الفكره اي شاب من شباب جده حاب انه يشغل فراغه ف رمضان في شي بإذن الله ينفعه ومايهمه كلام الناس طالما في رضى ربه وما يشتغل في شي لاعيب و لا حرام وحاب يبدأ من الصفر وسبحان الله محد يعرف أيش مخبيه له الايام بفصل الله يكون أي خطوه فاتحة خير له و تفتح له أفكار و مجالات له شخصيا
الفكره حاليا هي انه يروح البحر و يبسط ع طاوله انا راح أوفر له طاوله وعصيرات و مويه و براده و بطاطس مسلوقه مع شوية كراث وشغلات عليها كذا حلوه بس مو يأكلها و يخلي الزباين 😍😁 انا اسويها و اعطيه جاهزه هو بس يضيف الحمر و الشطه حسب رغبة الزبون ولو مشي الشغل نجدد كل بعد كم يوم حسب الهمه وحسب وقت فراغي و انا بإذن الله راح أوفر له كل الأغراض هو بس يجلس و يشد حيله بالشغل
وبحكم اني حرمه وصعب شوي الخرجه عليا
إذا الشاب بيجي و يمر عليا وياخذ البطاطس كل يوم و يروح
تكون نسبته 55 % وانا 45 %
لاني مقدره تعبه و إذا نتقابل ف البحر انا 50% و هو نفس الشي و اللي ينقص من الأغراض بس يقول لي أو يقول لولدي و انا اوفره اول بأول بإذن الله
الان اعتقد وضحت الفكره و اولا و أخيراً احسب الامانه و الذمه في كل شاب في وطننا و لا ازكي على الله أحد و سبحانه الشاهد على كل شي
ولأن جديده طبعا ما اقدر ارد ع الخاص بس اللي عنده الاراده وشايف انه مستعد يتواصل معايا هنا ف الموضوع و يحط لي رقمه
اسأل الله العلي القدير أن يكتب الرزق الحلال لكل من يدعوه و يرحمنا بواسع رحمته و يكرمنا ف هو أكرم الأكرمين