السلام عليكم
سبق ونزلت موضوعين لعملي اللي التحقت به قبل شهر موظفه طاقات اتصلت علي وقالت لي عندك ملاحظه من مستشارتك انتي موظفه لكن مو مسجله بالتامينات ماسالتيهم ليش وليش مافي عقد يضمن حقوقك ؟ نبي افاده انك موظفه عطينا رقمهم عشان نبي تسكر ملفك ولازم يسجلونك في التامينات وكنها قالت بيتم تسجيلك في التامينات وجابت طاري صندوق الموارد البشريه انا احسها كانت تتكلم بسرعه وانا اصلا ارتبكت وهذااللي اتذكره
السؤال انا كنت ناويه اقدم على المخصص المالي من حافز لكن من غبائي وسذاجتي اول مره اتصلت من بعد ماتوظفت سالتني كم سوال وابي افتك من اتصالاتهم قلت خلاص توظفت الاي تسببت على نفسي بمشكله
برايكم وش السواه الحين حتى لو فرضا عطيتهم رقم النادي الاداره مافي تليفون مافي الا المحاسبه الاستقبال يحولونهم عليهم ولااتوقع بيعطونهم وجه
يعني لو انا طنشت طاقات احسن لي اني ماافكر اقدم على حافز والرزق على الله الا في حال لو تركت وظيفتي لكن اخاف يدرون عني واسبب مشاكل لنفسي ولايقولون رجعي الفلوس ولايسوون لي مشكله
استشرتكم لاني على نياتي ومو كل شي اعرفه فالافضل مااقدم على حافز وانا موظفه ولو تركت الوظيفه ممكن اخذها
مع العلم في زميلات لي بالدوام قالو انهم سجلوهم بالتامينات
واذا راتبي 3500 كم يقتطعون منه ؟
وهي قصدها بيتم تسجيلك من تقصد اللي يسجلني بالتامينات ؟