انا المريض اللي غدا الوقت بدواه
وانا الحزين اللي جروحه غزنّه
وانا الفقير اللي فقد ما تمناه
وانا الجريح اللي نسى الضحك سنّه
وانا العشير اللي عشيره تناساه
لابوك ياحظٍ قليلك ؛ تمنّه !!
حظٍ بعد مديت له .. ردّ يمناه
مدري رديْ .. والا سنينه عصنّه
تاه الغريب اللي فقد موطنه تاه
جدَاه يِلْحِق كل ونّه بـ ونّه
شهب السنين الجايره لو تحداه
واليا صمد بوجيهها .. واجهنّه
ليت الطبيب اللي فرى الجرح يرفاه
ومن العذاب اللي حصله يحنّه
استوطنت طعناته وحاصر احماه
وعليه حرب الصد دايم يشنّه
هذي نهايتها .. مواجع ومأساه
ملعون دربٍ رِجْلِي اللي مشنّه
جعله يروِّح روحة مقيط ورشاه
طويت صفحة ما مضى طوي شنّه