الله يحيي الغرام الصح ودروبه
اللي على متن صدري شيد خيامه
هيّض مشاعرغلاه برقة اسلوبه
وملك صروح الغلا شرقه لَيَا شامه
حاولت أخلّي المحبه وأعلن التوبه
واترك مجال القصيد العذب وهيامه
وعرّض عليه من الصدفات رعبوبه
تطعن خفوقي بنظرة وسلهامه
فيها الحلى والدلع والزين .. ( اُعجوبه )
وقّع لها من يعرف الزين ببهامه
بنيت قصر الغلا طوبه على طوبه
حتى غلاها بقلبي ركّز أعلامه
محبةٍ بالشرف والعشق مصحوبه
ماهي بمثل الهوى في تالي ايامه !!
الحب في ظن بعض الناس اُلعوبه
يضحك وعداد الخيانه مزداده ارقامه
يمشي على خطةٍ بحساب محسوبه
وإن وافقت له كَرَب للفرصه حزامه
ياجعلهم فدوةٍ لعيون رعبوبه
اللي غلاها بقلبي ركّز أعلامه