اقتباس:
المشاركة الأصلية كتبت بواسطة دبلوماسيةسعودية
الحمد لله نظام الرواتب والعلاوات والبدلات عندنا يعتبر الافضل
انا حاليا بالماجستير مدرب اول ب والحمد لله علاوتي مثلا سنويا 590 ريال ( يارب ماتلحق علاوة السنة الماضية 🌚 
ومن فترة لفترة يكون هناك محاضر ترقيات وتحسين للحاصلين على مؤهلات يعني اول ماتجيب مؤهلك ماتطول وتترقى للدرجة المستحقة |
اختي دبلوماسية لو ماعليك امر تفيدينا لو واحد من الاسئلة بحكم خبرتك ومعلوماتك
في اشياء كثيرة محيرتنا وودنا ان احنا نعرف اجابتها لو بمعلومات بسيطة وماعندنا احد يفيدنا غيرك
منها /
1) لو ربي كتب لنا قبول بإذن الله نعتبر كمدربين جدد ، هل في دورات كيف ندرب الطلاب ؟ او نكون بالفترة الاولى مع مدربين بالمؤسسة عشان نعرف كيف اليه التدريب وطريقته ؟
خصوصا ان اكثر المتقدمين وانا منهم ماعندنا خبرة من قبل في التدريس فهذا الشي بالنسبة لنا اول مره !!
2) كم عدد الدورات الي يعطون المدرب خلال السنة الواحد تقريبا ؟
3) كيف وضع الطلاب هل هم كطلاب الجامعة يحترمون المدرب عشان ينجح بالمقرر او تعتبر المؤسسة كمدرسة ثانوية ؟
4) هل لو تعينت جديد اعتبر موظف حكومي رسمي او بعقود سنوية ؟
5) وهل بالبداية راح تكون فيه فترة تجربة ؟ كم مدتها ؟ لو المدرب ماجتاز التجربة ايش مصيره ؟
6) كيف طريقة التقييم للمدرب هل يوميا يكون رئيس القسم معاك في القاعة ؟ وهل في احد من المدربين اخذ تقييم ممتاز من قبل ؟ وايش يفيد التقييم باستثاء الابتعاث ؟
7) كيف بيئة العمل في المؤسسة ؟ ( ياليت ولا عليك امر توضحين بالضبط كيف بيئة العمل هناك لان تهمني كثيييرر )
8) بالنسبة هم كاتبين بالشروط مطلوب تقدير جيد للبكالوريوس ادارة الاعمال تسويق هل ممكن تنطبق انهم يحسبون التقدير جيد مرتفع = 0 ؟
9) في خانة التقديم بالبداية حطيت غير تربوي وانا تخصصي ادارة الاعمال تسويق هل يتم استبعادي من المفاضلة بالنهاية ؟ ولا التربوي المقصود بها التخصصات التربوية ( الرياضيات ، العلوم ، الانجليزي ، اصول التربية ، الخ ) ؟
10) بالنسبة لراتب مؤهل البكالوريوس ادارة الاعمال كم الي ينزل بالصرافة بالضبط ؟
11) كيف سكن المؤسسة هل يستاهل ان الواحد يضحى بالبدل عشانه او يدور سكن قريب افضل ؟
12) كم بدل النقل للمدرب ؟
13) الدوام من الساعة كم الى كم ؟
14) كم عدد المحاضرات الي تدرسينها باليوم تقريبا ؟
15) كم عدد الطلاب التقريبي بالكلاس هل كثير او قليل ؟
16) هل المدربين يدرسون الطالبات المتدربيات ؟ ولا كل قسم منفصل عن الاخر ؟
17) ايش الحقوق عليك للمؤسسة والحقوق لك من المؤسسة ( غير الراتب ) ؟
18) سمعت ان ينزل للمدرب راتبين كل رمضان او كل عيد هل هذا صحيح ؟ لو صحيح هل يعني ينزل راتبين غير راتبك ؟
19 ) كيف وضع التأمين هل يوجد تأمين طبي للمدرب ولعائلته ؟
20) كيف وضع الاجازات للمدرب كم رصيده من الاجازة السنوية غير الاجازة الرسمية من الحكومة ؟ والاجازة الصيفية هل هي نفس اجازة المعلم والطلاب ؟
تعبناك ويانا بس والله مالنا الا الله ثم انتي يفيدنا والله يجزاك خير ويعطيك العافيه
بإذن الله ربي يفرحنا بالقبول واستكمال اجراءات التعيين ياكريم ولكل من تقدم للمسابقة وانقبل
شكرا لك