السلام عليكم طبعا وصلت للموقع حسب الوقت المحدد 6 ومادخلونا الا 8 وربع , على طول يودونك للمسجد ويبدون ياخذون منكم على 5 الى 10 طلاب الى المرحله الاولى التدقيق بشهادتك
بعدها الى المرحله الثانيه قياس الطول والوزن
بعدها المرحله الثالثه المقابله الشخصيه الصراحه اول مره تمر علي مقابله زي كذا الضابط معه ورقه فيها اساله يسالك وانت تجاوب وهو يكتب اجابتك بالورقه بعطيك مثال من الاسئله الي جتني طبعا تفرق من طالب الى اخر , 1 مارايك بالارهاب ؟ 2 مارايك بالمجاهدين بسوريا ؟ 3 ماهي اهتمامتك ؟ 4 ماهو مصدر اخبارك ؟ 5 هل تدخن ؟ 6 وين تحب تتعين ؟ 7 ماهو هدفك بالدخول لحرس الحدود ؟ وبس زي كذا نوعيه الاسئله .
بعدها المرحله الرابعه وهو عباره عن تمارين رياضيه تعمل ضغط وهروله وكذا تمرين بسيط .
بعدها المرحله الخامسه والاخيره وهو عباره عن اختبار تحريري صح او خطا وتجي فيه اساله عامه مثلا اركان الاسلام 5 ؟ موسس المملكه عبدالرحمن ال سعود ؟ وزي كذا تقريبا 7 الى 8 اساله مره بسيطه صراحه

بعدها رجعونا مره ثانيه كلنا لقياس الطول مره ثانيه وكان واقف بجنب الجندي ضابط وحاطين الطول اعتقد ع 168 او 170 الي مايصلها مع الباب وسلامتكم

طبعا الاوراق المهمه صورة من شهادتك الثانوي او الكفاءة حسب الي مقدم عليه وصورة من بطاقة الاحوال و 3 صور شمسيه

وبالتوفيق للجميع يارب اتمنى اني افدتكم