يا أهل الخبرة والمعرفة اكتب موضوعي هنا أملا بأن تفيدوني :
انا سجلت في حافز البحث عن عمل مرتين وانتظرت حالة الأهلية وبعد شهر من التسجيل خلال هالمرتين يطلع لي غير مؤهل والسبب " تشير سجلات صندوق التنمية البشرية إلى أن المتقدم متدرب في برنامج تدريبي تزيد مدته عن 3 اشهر رمز عدم الأهلية هو 1130".
يعني ما يكتبوا لي اسم البرنامج الي هم مسجليني فيه . واتصل لهم خدمة العملاء ماتعرف البرنامج تقول مايظهر عندها ارفع شكوى من خلال ملفي في طاقات بعد ما انتظرتهم يردوا على الشكوى كتبوا لي القرار " عدم قبول مطالبة المتظلم
وذلك لعدم تقديم وثائق رسمية تدعم صحة التظلم من الجهة المختصة " ( عدم الاستحقاق)
طيب!! انا ما عرف الجهة المختصة ولا قلتوا لي اسم البرنامج الظاهر عندكم . وانا مو طالبة ولا متدربة واقعاو حاليا . ايش الوثائق الي ممكن ارسلها لهم في الشكوى .خدمة العملاء مايفيدوني بشيء لا اسم البرنامج ولا الوثائق المطلوبة ولا جهة اتواصل معها مو عارفة كيف الصرفة معاهم بحيث إنني اتاهل وحقيقة محتاجة المعونة المادية علشان تساعدني في البحث عن عمل وفي تدبير احتياجات العمل من لبس وسواقين وادوات .
سؤالي الحين لكم : كيف احل هذا الموضوع .مين الأشخاص الي اتواصل معهم يعرفوا لي البرنامج او يصححوا لي هذا السبب . احسه خلل.
هم فقط يخلوني انتظر شهر وبعدين يكتبوا غير مؤهل بسبب هالبرنامج المجهول الي هم مسجليني فيه ولا اصير ملتحق يعني ما يعطوني المدة المعتادة لحافز الي هي ثلاثة اشهر متقدم > ملتحق> مؤهل . على طول شهر متقدم واحدث معاهم وبعدها غير مؤهل .
ارجو مساعدتكم بردودكم واجاباتكم واقتراحاتكم وتعاونكم معي الله يرزقكم من واسع فضله ورحمته.