أتوقع ان القصيبي أول من حاول محاولات جادة
و من بعده في عهد المغفور له الملك عبدالله
بس افضل الحلول الجادة والقاسية بدأت في عهد الملك سلمان
بداية في الضريبة على المرافقين للوافد كبداية ب 100ريال شهريا
تتضاعف سنويا بتدبيلها 100 ريال كل سنة
عن نفسي قبل القرار اشوف الأجانب الزائرين للمستشفيات الخاصة كثير
تقريبا من كل 100 اجنبي تحصل سعودي واحد
الان من كل 100 تحصل 30
الأسواق صار عددهم قليل اقصد المتسوقين الأجانب
و هذي بس ضريبة على المرافقين الأجانب
وجهة نظري تقول ان 30-40% بعد 3 سنوات بتتكافئ فرص دخله بالسعودية مع بلده الام
راح يفضل انه يرجع بلده
و فيه الضريبة المضافة اللي يتحملها الوافد بعكس السعودي اللي بيكون عنده حساب المواطن
راح تكون تبعات الضريبة المضافة على السعودي اخف بعكس الوافد
من الاخير بتتكافئ فرص التوظيف والمشاريع الصغيرة و بتكون افضل للسعودي

بس نحتاج الصبر

عن نفسي اذا اختفوا الوافدين بفتح بوفيه اشتغل الصباح فقط و راح يكون دخلي فوق 15 الف

جربت اشتغل في حلقة الخضار في جدة أيام سعودتها إجباريا في عهد الأمير عبدالمجيد الله يرحمه

كنت اطلع بالشهر 6 الاف و وقتها كان راتب الجندي ما يتعدى 3 الاف

بس مع الأسف أصحاب الثلاجات اللي تجيب الخضار (سعوديين ) رفعوا أسعار الطماطم بالحراج
ومضطرين نبيع بمكسب ريال على الصندوق
نَّفروا المشترين وصار الناس تشكي يوم سعودوا الحلقة صارت غالية
صارت الناس تشتري من الأجانب اللي على اطراف الحلقة
شيئا فشيئا بدأت الناس تقل وأصحاب البسطات يتركون العمل ، بعد 3 شهور اشتكوا التجار حسب ما سمعت
انه مافي سعوديين يصرفون بضائعهم بالعربي (السعودي ما يشتغل)
جات لجنة تأكدت وفعلا الحلقة شبه خالية و عليه رجعوا الأجانب
وأصبحت العلة من السعوديين (وهذا افتراء)

اللي حاب أوصله انه التاجر ولست اجمع يفضل الأجنبي وبيحارب عشانه
بعض التجار أصولهم أجنبية وتشوف اغلب العاملين لديه من نفس البلد

حتى البنوك نفس الحال اللي بالواجهة سعوديين وبالخلف أجانب أقربهم البنك العربي على خبري
أردنيين وفلسطينيين
.....
حسيت اني قلت قصة حياتي هههههههه