المشاركة الأصلية كتبت بواسطة لاتياس

السلام عليكم ورحمة الله وبركاته

بداية احب اشكر من قام ع تأسيس هذا المنتدى الرائع بما فيه من فائده للجميع بمشاركة الاخوان والاخوات ومساعدة البعض في طرح الافكار والاقترحات ..

وانا الحمدالله مع هذا المنتدى من فتره طويله ومتابع دائماً له

والحمدالله استفدت الكثير منه .

والحمدالله بديت بمشروع الاكسسوارات النسائيه من اطقم ، اساور ، قلائل ، حلق ، خواتم ، طبعاً المشروع هذا ما بديته في محل ، المشروع بسيط ولكن الحمدالله فيه فائده جيده جداً والى الان مستمر فيه ومستمر في البيع بداية ع الاقارب والاصحاب وتنتشر بسرعه بين اصحاب الاصحاب ومعارفهم واقربائهم .

يعني المشروع صغير بس الحمدالله ممتاز

في البداية بحثت كثير ع كيفية الحصول ع الاكسسوارات ويكون اسعارها مناسبه وجودتها ممتازه والحمدالله تعاملت مع اكثر من مندوب والان الحمدالله تعاملي مع مندوب واحد يوفر لي جميع الاكسسوارات بأنواعها و اقدر اخذ منه مثلاً درن مشكل ما يلزمني بنوع واحد وهذا ما يميزه عن اغلب المندوبين .

انواع الاكسسوارات النسائيه اللي يوفرها لي ..
الكوري ، والصيني درجة اولى ، واكسسوارات الزركون ، والاكسسوارات شبيهت الذهب او مثل ما يطلق عليها
( بديل الذهب ) ، والاكسسوارات تقليد الماركه درجه اولى
والحمدالله جودتها ممتازه وفخمه تعطي جمال في اللبس واشياء مميزه ، طبعاً الاكسسوارات اهم شي يكون العطر بعيد عنها وماراح يتغير لونها ، يدوم الى سنه ع حسب الاستخدام

والحمدالله انا ابيعها بأسعار رمزيه وما فيها اي مبالغه مع العلم اني رايتها في اكثر من مكان وخاصه المجمعات او الكوشكات تباع بمبالغ كبيره وفرق كبير ولكن الحمدالله عندي قناعه بالشي البسيط والسعر المناسب للجميع يجذب لك الثقه من الناس في التعامل معك ، واهم نقطه هي الصبر والتواكل على الله في كل شي والامانه في التجاره والخوف من الله في التعامل مع الناس ، والتميز في طرح الاشياء الجديده و عدم تكرار نفس البضاعه في كل مره وعدم تعدد شكل الاكسسوار اكثر من اثنين او ثلاثه يعطيك تميز واغلب الناس وخاصه اذا كنت تبيع على عائلتك ما يرغبون يشوفون اللي عندهم نفس غيرهم ، والحرص ع كسب رضى الزبون بالصدق في التعامل .

حبيت اطرح هذا الموضوع كمشاركة بسيطه مني ولعلها تفيد البعض من اراد هذه الفكره وانا على اتم استعداد للمساعده لمن اراد ذلك .

يتواصل معي على الخاص ويبشر بالخير ابخدمه باللي اقدر عليه واقدم له المساعده .

ولكم كل الشكر والتقدير

دعواتكم لي بالتوفيق ..