نساء ورجال كلامي للي ماعنده عمل ( عاطل)
لا تجلس مكفوف الايدي في انتظار وظيفه حكوميه على امل .. ترى محد بيجي ويدور لك عمل .. اضربوا الأسباب الشركات واجد ابحث بلا ملل .. اطلعو الصباح 8 وادخلوا اطلبوا المدير/ة مباشرة وتفائلوا .. ما احلف ولكن بين خمس شركات بتلقى فرصة أكيدة ..

القصد من كلامي ان تكونوا مسجلين بالتأمينات لانها محسوبة من العمر .. انا على يقين ان بين الباحثين عقول تجارية غير مستغله وطاقه وذكاء قوي في عدة مجالات فنصيحة اللي عنده شغله فنيه مهنية يستثمرها .... أين ! على سبيل المثال لا الحصر .. برامج عبداللطيف جميل لخدمة المجتمع ، صندوق غرفة الشرقية لدعم المبادرين والمنشآت الصغيرة ، مركز عبدالله الحمد الزامل لخدمة المجتمع ، صندوق مجموعة الطيار الخ ...

يا جماعة ترى اكثر أغنياء العالم توظفو وظائف دون المستوى اجتماعيا لكنها شرف وبعرق الجبين ..
الراجحي اشتغل حمال وحارس وبياع بسطة .. الجريسي مساعد بياع في محل .. اوباما بياع اسكريم .. والاس مجموعة هلتون كان نجار .. والتون صاحب مجموعة وال مارت وظيفته حلب الأبقار .. انجفار مؤسس اكيا كان بياع زينه وسمك وكباريت .. مايكل ديل مؤسس ديل وظيفته غسل صحون وبيع اجهزه بالقطاعي .. القائمة تطول والله سبحانه اقسم ان رزقك مقسوم ومكتوب فقط شمر ابحث بجد واستثمر عقلك وطاقتك ..

آسف للاطاله لكن والله انه حرص وحب نابع بأحساس هذه الظروف الغير مناسبه لرجال ونساء سعوديين يبحثون وينظرون بالمقابل يأخذها مغترب ليس حسد لكن أبناء وطني اولى و أولاً ..

الله يوفقكم جميعاً