المشاركة الأصلية كتبت بواسطة بطاطس مشوي

اخي الماكد برو استلمت رسالتك ولم استطع الرد عليها بسبب قيود المنتدى لذلك سأقوم بوضع الاجابات هنا.


اسئلة المقابلات لاتذاكرون لها نهائيا.. فقط توقع الاسئلة العامة اللي ممكن تجيك وجهز لها اجابة.

1- كيق بتفيد القسم / ايش الفراغ اللي بتغطيه لمن تجي عندنا؟

2- وين تشوف نفسك بعد عدة سنوات

3- صف تخصصك لي

4- كيف تقوم بعمل فيدباك لطلابك الخ.


باقي الاسئلة لازم تطلع لها اجابة فورية.

طبعا جامعة الامام سألوني بالمقابلة الاولى عن خبرتي في التدريس و عن تخصصي وكمن سؤال في التخصص العام لي. باقي الاسئلة انت اللي تجر اللجنة لها.. بالعربي انت اللي تهندس 80% من المقابلة. فهندسها بذكاء!

الاسئلة العامة يسهل الاجابة عليها. لكن بعض الاسئلة في تخصصك تكون جاية من بين اسطر كتاب غريب ماعمرك سمعت فيه.. بكل بساطة اذا ماعرفت الاجابة لاتضيع وقتك بالتفكير وتجاوب غلط! قول ما ادري! اذا مافهمت سؤال قول عيد السؤال او قوله بصيغة اخرى. ترى اللي يسوون المقابلات بعضهم جايب العيد بالسؤال نفسه.. انا شخصيا ياليوم اسوي مقابلات حق عشرات الاشخاص و اشوف اسئلة غبية تسألها اللجنة اللي معي.. والضحية في الاجابة هو المتقدم للوظيفة.


بالنسبة للمقابلة الثانية.. كانت فكرية... من اللي فهمناه انهم يبون يعرفون هل المتقدمين للوظائف متطرفين فكريا او لا.... على اساس ان المتطرف فكريا بيقول لهم "Hey guys, I am radical"