اقتباس:
المشاركة الأصلية كتبت بواسطة راضية11
عليكم السلام
انا اشوف لو تشوف لك احد يشغل لك المحل وتعطيه راتب ٢٠٠٠ ريال مثلآ ويكون مصري او لبناني او سوري او حتى سعودي وتعطي عمولة على قد تحقيقه للارباح كاحافز وتشجيع له وتعطيه فرصة شهرين وتقوله كذا اذا نجحت خلال شهرين تخليه مدير يمسك المحل وتذيده راتبه وتعطي تذكرة سفر نهاية السنة وان نجح تخليه يمسك المحل وان لم ينجح تشوف غيره
وهذا شخص يكون سبق وشتغل نفس هذي الشغلة او شغلة قريبة منها اي لديه خبرة في التسويق الاعلاني والتعامل مع الزباين
وسوي مجلة صغيرة وفخمة تتالف من ٦ صفحات او ٨ فيها صور للحلويات اللي تقدموها وتذكرة فيه مكوناته والنكهة وكذا صيغة الاعلان
مثل ادهشي ضيوفك بالحلويات التركية الفاخرة ذو مذاق لايقاوم
وشغل معك حرمتين وسواق يكون من عندك لتسويق الاعلاني الميداني بحيث يدورن مدارس البنات ويوزعو المجلة والكروت للمعلمات وكذا والكروت يجب ان تكون فخمة ولمفتة ويوزعو للبنات الجامعة عند خروجهم
وشوف لك كم شاب يوزعو لك كروت على السيارات في الشارع العام وحط عليهم مشرف مايعرفونه عشان يراقبهم وتضمن انهم يوزعو لك المجلات كلها ويوزعو لك ايضآ خارج بوابة المولات و سوي اعلان في احدى الشوارع الرئيسية مثل الشوقية والعزيزية اعلان لوحة في وسط الشارع
واخيرآ الاعلان يجب ان يكون راقي بصور الحلويات اللي تقدموها وكذالك الكلمات يجب ان تكون راقية وملفتة
وفكرة اخرى اي وحدة تشتريه اعطوها كرت شحن ب ١٠ ريال خلوها تختار على حسب شريحة جوالها وهذا يعتبر اعلان اضافي للمحل عندما يتكلمو عن المحل اللي يعطي بطاقات شحن اذا اشترت الزبونة
وصممو لكم شعار يكون مطبوع على الحلويات نفسها او الكيك اللي تسوه
هذا اقتراح وعسى ينال اعجابكم
اتمنى لكم التوفيق
|
وعليكم السلام .. وجزاك الله خير على ردك واهتمامك
وبالنسبة للتوظيف كنا موظفين سعوديين ب 3000 و 2400 والدوام 7 ساعات فقط مع يوم اجازة .. وللأسف ماكان في اهتمام اهم شي الراتب نهاية الشهر .. حتى البونص والنسبة مانجحت
وفكرتك بالنسبة للمجلة رائعة جدا وراح ابدأ فيها من الان ان شاء الله